¿Imatá nisunman revistasta rikuchichkaspa?

Torremanta Qhawaq Julio-Septiembre

“Tukuypis llakikuyta yachanchik, Bibliaqa, Diosninchikpis llakikuyta yachasqanta nin [Salmo 78:41, ñawiriy]. ¿Imatá ruwasunman chay llakiykuna, mana kusiyninchikta chinkachinanpaq? [Kutichinanta suyariy.] Kay Revistaqa imaynatachus chay llakiykunata qhawanata, chay llakiyta atipanapaq wakichisqa kanamanta ima, parlachkan.” Kay 28 paginata rikuchiy

¡Despertad! Septiembre

“Kay jallpʼanchikpi yarqhay kasqanmanta, niwaqchu, ¿Diosninchik chayta runaspaq munasqanta? [Kutichinanta suyariy.] Bibliaqa chay chʼampay tukukunanta nin [Salmo 72:16, ñawiriy]. Kay revistaqa, imaynatachus Dios kay Jallpʼata tʼika pachaman tukuchinanmanta sutʼinchachkan.” Kay 7 paginata rikuchiy.

Torremanta Qhawaq Octubre-Diciembre

“Familiachikmanta pillapis wañupuptin, juktawan tinkuyta munanchik, chaywanpis, ¿juktawan tinkuyta atisunmanchu? [Kutichinanta suyariy.] May achkha runas, Bibliapi wañusqas kawsarimunankuta, nisqanta yachaspa, sunquchakunku [Hechos 24:15, ñawiriy]. Kay revistaqa, maykʼaqchus kawsarimunankuta, pikunachus kawsarimunankumanta ima sutʼinchachkan.” (kay, km 4/05, 8 paginamanta, urqhukun).

¡Despertad! Octubre

“Internetqa yanapawasunman, chaywanpis wawaspaqqa juk tuqllajina kanman. ¿Imaynatá wawasta chaymanta jarkʼayta atisunman? [Kutichinanta suyariy.] Kay yuyaychayta ñawiripusqayki [Proverbios 18:1, ñawiriy, chantá sutʼinchariy.] Kay ñawirisqanchikqa juk yuyaychaylla, kay yachaqanapi phichqa yuyaychaykunaraq tiyan, tatas wawasninkuta chay tuqllamanta jarkʼanankupaq.” Kay 7 paginata rikuchiy.