Qutuchakuypaq tantakuy wakjinamanta wakichikusqan
1, 2. Kay 2009 watamantapacha, ¿imaynatá tantakuykuna ruwakunqa?
1 Kay watapi abril killapi 21-27 fechaspi, juk willay willakurqa tukuy kay jallpʼa patapi: “Kay enero 2009 watamantapacha, Libromanta Yachaqanapaq, Diosmanta Parlayta Yachanapaq, Willayta Yachanapaq Tantakuy ima, jukllapi ruwakunqanku. Chantapis, Libromanta Yachaqanapaq tantakuyqa, Bibliamanta Yachaqanapaq, sutichakunqa”.
2 Kimsa tantakuykuna jukllapi ruwakunqa. Kay tantakuykunaqa, takiynintin, Diosmanta mañakuynintin ima, juk hora tawachunka pisqayuq minutospi tukukunan tiyan. Qallarinqataq juk takiywan, Diosmanta mañakuywan (5 min.), chaymanta, Bibliamanta Yachaqanapaq ruwakunqa (25 min.). Qhipanta, Diosmanta Parlayta Yachanapaq tantakuy qallarinqa (30 min.). Chantá takiy kanqa (5 min.) Chaymanta Willayta Yachanapaq Tantakuy qallarinqa (35 min.). Tukuchakunqataq, juk takiywan, Diosmanta mañakuywan (5 min.). Chantapis, sapa killa kay Reinomanta Willayninchik nisqapi, lluqsimunqa kay tantakuykunapaq wakichikusqan, Bibliamanta Yachaqanapaq, Diosmanta Parlayta Yachanapaq, Willayta Yachanapaq Tantakuy ima.
3. Bibliamanta Yachaqanapaq tantakuy, ¿imaynatá ruwakunqa?
3 Bibliamanta Yachaqanapaq. Imaynatachus Torremanta Qhawaq revista ukhunchakun, kikillantataq Bibliamanta Yachaqanapaq ruwakunqa, mana ñawpaq semanamanta yuyarichikunqañachu, pisi parlaykunawan qallarikunqapacha. Ajinamanta, uyariqkunaqa tapuykunaman pisillapi sutʼita kutichiyta atinqanku. Superintendente presidenteqa, sapa semanapaq wak ancianota, chay tantakuypi yachachinanpaq kamachinqa.
4. ¿Imataq Willayta Yachanapaq Tantakuypi wakjinamanta ruwakunqa?
4 Willayta Yachanapaq Tantakuy. Kay tantakuyqa kikillanpuni kanqa, willaykunalla phichqa minutospi ruwakunqa, chantapis, wakin willaykuna, sucursalmanta wakin cartas imalla ñawirikunqa. Chantá qutuchakuypi, maymantachus, ima horachus willayman rinapaq, tantakuy wasita llimphuchanapaq, qullqi apaykachakusqan, wakin sucursalmanta cartas ima, manaña ñawirikamunqachu; manaqa tableroman churakunqa tukuy ñawiriyta atinankupaq. Chantá pikunachus umallirichimuqkunapis, machkha tiemponpichus ruwananku kasqanmanjinalla ruwananku tiyan.
5. Waturiq hermano chamuptin, ¿imaynatá tantakuykuna ruwakunqa?
5 Qutuchakuykunata waturiq hermano waturikuptin. Qutuchakuykunata waturiq, chayamuptin, chay semanapi ruwakuq, kikillantapuni tantakuykuna ruwakunqa. Martes chʼisi, Diosmanta Parlayta Yachanapaq, Willayta Yachanapaq Tantakuy ima, ruwakunqa. Chantá, juk takiy kasqantawan, qutuchakuyta waturiq hermano, kimsa chunka minutosta umallirichimunqa. Bibliamanta Yachaqanapaq tantakuytaq imaynatachus wak chʼisi ruwakuq, kikillantapuni ruwakunqa, takiywan tukukusqanmantataq, qutuchakuykunata waturikuq hermano, juk imallirichiymanta sutʼinchamunqa. Chay tantakuytaq juk takiywan, Diosmanta mañakuywan ima, tukukunqa.
6. ¿Imatá willamunapaq kamachiq, ruwanqa?
6 Willayman lluqsinapaq. Qutuchakuymanta ancianosqa, willamunapaq kamachiq ancianosta churanqanku pay, willayman lluqsinapaq tantakuykunata kamachinqa, chantapis, willaqkunata kallpacharinqa. Chayta juk siervo ministerial ruwanan kanqa chayqa, “willamunapaq kamachiq siervo”, sutichakunqa.
7. ¿Imatataq tantakuy wakjinamanta wakichikusqanmanta suyasunman?
7 Tukuy kaykunawan, sumaqta Diospa Palabranwan, kallpachakusun, runaman willanapaq, sumaq yachachiqkuna kanapaq, allin llamkʼaqkuna kanapaq ima (Efe. 4:13, 14; 2 Tim. 3:17).
8. ¿Imaynatá wakichikuy yanapawasunman?
8 Kay tantakuykunapaq wakichikusun chayqa, sumaqta yachakuyta atisun. Tukuy, hermanop tapumusqanman kutichiyta atisunchik, jinamanta sumaqta kallpachanakusunchik (Rom. 1:11, 12; Heb. 10:24). Munanchik ‘ñawpaqman richkasqanchik’ tukuypa ñawpaqinpi rikukunanta, chaypaqtaq ‘chiqa kaq palabrata maychus kaqta yachachinapaq’ wakichisqa kananchik tiyan (1 Tim. 4:15, Qheshwa Biblia; 2 Tim. 2:15).
9. ¿Imapaq wakichisqa kachkanchik, imarayku?
9 Tantakuykuna wakjinamanta wakichikusqan, mayta kusichiwanchik. Chayrayku, ‘allin kamachi, yuyayniyuq’ yuyaychawasqanchikta, allinta japʼikuna, chantá Sumaq Michiqninchikmanta, ama karunchakunachu, pichus “jatun ñakʼariy” pʼunchay rikukuchkanña chaypaq, sumaqta wakichichkawanchik (Mat. 24:21, 45; Heb. 13:20, 21; Apo. 7:14).