Willamunapaq tantakuykuna

1. ¿Imaraykutaq maychus kaqta, willamuyta munanchik?

¹ Jesusqa, Diosmanta willachkaspa maychus kaqta, allintataq ruwarqa. Kay tiempopi hermanospis Jallpʼantinpi Diosmanta yachachichkasqankupi, kikillantataq ruwayta munanku. Chayrayku tukuy qutuchakuykunapi willamunapaq tantakuykuna ruwakun, chaypaqtaq qutuspi (grupos) tʼaqasqa kachkan willaq lluqsinapaq (Mat. 24:45-47; 25:21; Luc. 10:1-7).

2. Manaraq willayman lluqsichkaspa, ¿imataq ruwakunan tiyan?

² Imapaqtaq ruwakun. Willamunapaq tantakuykunaqa, willayman riqkunata kallpachanapaq, yachachinapaq ima, ruwakun. Chaypiqa ichapis Examinando nisqapi, willaymanta parlaptin chaymanta parlakunman. Wakin kutipitaq, Reinomanta Willayninchik, Razonamiento, Benefíciese, nisqasmanta, willaqkunaman yuyaychakun. Chantapis ichá imaynatachus juk publicacionta saqinata rikuchinkuman. Chay tantakuy manaraq juk mañakuywan tukuchakuchkaptin, tukuy yachanankuña tiyan, piwanchus willanankuta, maypichus willakunanta ima. Kay tantakuyqa ancha kaspa 15 minutospi ruwakunan tiyan, chantá chay ratopacha tukuy willaq rinanku tiyan.

3. ¿Pikunataq willayman lluqsinapaq tantakuykunata ruwananku tiyan?

³ Pikunataq ruwananku tiyan. Qutuchakuymanta willamunapaq kamachiqqa, chay tantakuykuna imaynatachus ruwakunanta wakichinan tiyan, paytaq kay ruway ñawpaqman rinanpaq astawan yanapanan tiyan. Willamunapaq kamachiq chayri yanapaqnin, sapa semanap tukukuyninpi, qutunkuta willayman urqhunanku tiyan, chantapis maypichus willakunqa chayqa mana pisinanchu tiyan, chaypaqtaq willamunapaq kamachiq nisqanmanjina ruwakunqa. Lunesmanta vierneskamataq, wak ancianosta chayri, siervos ministerialesta, sapa qututa willayman urqhuyta atinku, chaypaqtaq willamunapaq kamachiq, maykunapichus willakunanta, wak imasta ima, kamachinqa.

4-6. a) Maypichus willamunapaq tantakuykunata ruwanchik chay, ¿imapaqtaq ruwakun? b) Chay tantakuykuna maykunapichus ruwakunanpaq wakichichkaspa, ¿imaspitaq tʼukurinanchik tiyan?

⁴ Maypitaq, maykʼaqtaq ruwakun. Qutuchakuy maypichus willachkan chay, allinta willakunanpaqqa, allin kanman wakichikunan, mayqin hermanoq wasinmantachus willayman lluqsikunanta. Chay wasistaq maypichus willakunqa chayniqllapi kanan tiyan, jinamanta mana juk chiqallamantachu lluqsikunqa. Tantakunapaq Wasimantapis willayman lluqsiy atikullantaq. Achkha qutuchakuykunapiqa, Tukuypaq tantakuy, Torremanta Qhawaq revistamanta ukhunchakusqantawan ima, willamunapaq tantakuyta ruwanku. Chantapis allin kanman maypichus willakunqa, chayniqllapi willamunapaq tantakuy ruwakunan. Sapa kutitaq maykunapichus chay tantakuykuna ruwakuchkan chay, allin lugarpichus manachus kasqanta qhawarikunan tiyan, jinamanta qutuchakuy maypichus willamun chay, maychus kaqta willakunanpaq.

⁵ Qutuchakuy maypichus willachkan chaypaqjina, ima pʼunchaychus, ima horachus, willamunapaq tantakuykuna ruwakunanpaq wakichikunan tiyan, chay tantakuy semanapi machkha kutistachus ruwakunantapis nikunallantaq tiyan. Kay qhipan parrafopi tapuykunaqa, willamunapaq tantakuy, maypichus, maykʼaqchus ruwakunanpi tʼukurinapaq yanapawasun.

⁶ ¿Maypitaq astawan willakunan tiyan? ¿Ima horataq aswan allin wasimanta wasi rinapaq? ¿Tardesninpi juk horallatapis wasimanta wasi, willayman, yachakuyta munaqkunaman kutiy ima, atikunmanchu? Willayman lluqsinapaq tantakuypaq wakichikusqantawan, tantakunapaq wasipi tableroman churakunqa. Imaynatachus Pablo ‘kay llaqtaspi willayta tukuniña’, nirqa, kikillantataq Reinomanta willaqkunapis, maypichus willachkasqankumanta, niyta munanku (Rom. 15:23, 24).

7. ¿Imastataq willayman urqhuq hermano ruwanan tiyan?

⁷ Imaynatá ruwakun. Willamunapaq tantakuyta ruwanapaq sumaqta wakichikuspaqa, kay yuyaychaykunata jatunpaq qhawasqanchikta rikuchisunchik. Willayman urqhuq hermanoqa, ñawpaqtaqa sumaqta yachanan tiyan maypichus willakunanta. Chay tantakuyqa, tiemponpi qallarinqa, willaqkunata yanapananpaqjina kanqa, chunka, chayri chunka phichqayuq minutospi ima, ruwakunan tiyan. Tukukusqantawantaq willayman rina tiyan. Manaraq chayamuqkunataqa mana suyanachu tiyan, astawanpis juk willayta maypichus willakuchkasqanmanta saqisunman. Chay pʼunchaypaq, sumaqta wakichikuptin, yachachikuptin ima, willaqkunaqa yachanqanku imaynatachus willanankuta (Pro. 11:14).

8. ¿Imaynasmantataq willayman urqhuq hermanota yanapasunman?

⁸ Tukuy yanapananchikqa allin. Puraqmanta yanapanakuyqa may allin (Heb. 13:17). Willayman urqhuq hermano atikuptinqa, willaqkuna necesitasqankumanjina iskaymanta iskay kachanqa. Unaytaña willayman lluqsiqkunaqa, willamunapaq tantakuykunaman rispa, kunallanraq willayman lluqsichkaqkunata, manaraq sumaqta willayta atiqkunata ima, yanapankuman. Pillawanpis lluqsiyta munayqa wakkunata yanapallantaq (Pro. 27:17; Rom. 15:1, 2). Chayrayku tukuy kallpachakunanchik tiyan, tiemponpi chayananchikpaq. Kay yuyaychaykunata, hermanosninchikta ima jatunpaq qhawasun chayqa, tukuy imata ruwasun yanapakunanchikpaq (2 Cor. 6:3-5; Fili. 2:4).

9. Precursores kaqkuna, ¿imaynatataq willamunapaq tantakuypi yanapankuman?

⁹ Precursorespis yanapanku. Precursores willamunapaq tantakuyman risqankutaqa, tukuypis allinpaq qhawanku, kallpachakunku ima. Precursoresqa achkha ruwanasniyuq kanku, Bibliamanta yachachinku, yachakuyta munaqkunaman kutinku, familiankupaq imastachus ruwanankuta ruwanku, llamkʼanku ima. Chayrayku mana mañasunmanchu tukuy willamunapaq tantakuykunaman rinankutaqa, astawanraq sapa pʼunchay ruwakuptinqa. Chaywanpis semanapi wakillanmanpis rinqankupuni. Willayman lluqsinapaq tantakuyqa, juk yachaywasijina Bibliamanta yachakunapaq, precursorestaq yachakusqankuwan astawan wakkunata yanaparinkuman. Precursoresqa willayman astawan risqankurayku, mayta yachakunku. Chay yachakusqankutataq wakkunaman yachachinkuman. Chantapis willayman lluqsinapaq tantakuyman risqanku, willayman may kusiywan risqanku ima, ñuqanchikpis kikinta ruwananchikpaq yanapawanchik, chayrayku jinata ruwasqankumanta mayta agradecenchik.

10. ¿Imaraykutaq willayman lluqsinapaq tantakuyman rispa, tukuy sunquwan yanapakunanchik tiyan?

¹⁰ Imaynatachus Jesús, discipulosnin ima willarqanku, kikillantataq ñuqanchikpis wasimanta wasi willamunchik. Chayrayku willamunapaq tantakuykunaqa, puraqmanta yanapanakunanchikpaq, sumaqta willananchikpaq ima yanapawanchik. Chayrayku, tukuy Reinomanta willaqkuna kay tantakuykunaman atisqanchikmanjina risqanchikqa, may allin (Hech. 5:42; 20:20). Chayman rinapaqqa, tukuy sunqu imatapis ruwana. Jinata ruwasqanchik, ¿qhasipaqchu kanqa?, mana, imaraykuchus Jehovap bendicionninta rikusun, Señorninchik Jesucristotapis mayta kusichisun (Mat. 25:34-40; 28:19, 20).