Tantakuykunapi Jehovaman takinanchikpaq, ¿wakichisqachu kachkanchik?
1 Tantakuykunapaq wakichikuchkaspaqa, takinanchikpaq wakichikunallanchiktaq tiyan. Chaypaqqa ichapis kaykunata ruwasunman.
2 Imamantachus chay takina parlasqanta entiendena. Sapa takinapi Bibliamanta rikhuriq pʼitikunaqa, chay takina imamantachus parlasqanta entiendenapaq yanapawanchik.
3 Kutin kutita takina. Familiapi Diosta yupaychanapaq chʼisipi pianowan tocasqa musuq takiykunata uyarispa, takiyta yachakusunman. Chantá qhichwapi urqhukunankama, castellanopi Cantemos a Jehová (coro y orquesta), disco 1 nisqata uyarispa, allinta takiyta yachakullasunmantaq.
4 Kay semana tukukuypi Torremanta Qhawaq revistamanta yachaqanapaq tantakuypi Cantemos a Jehová sutichasqa cancioneromanta takinanchikpaq, ¿wakichisqachu kasunchik? Wakichisqa kananchikpaqqa, ¡chay takiykunata entiendenapaq, kutin kutita takinapaq ima tiempochakuna!