Kawsayninchikpi Diosmanta willayta ñawpaqman churana
1. ¿Imaynatá Jesús Diosmanta willayta may jatunpaq qhawasqanta rikuchirqa?
1 Jesusqa, tukuy imamantapis Diosmanta willayta ñawpaqman churarqa. Chayta juntʼananpaqtaq, Palestinapi tukuy runasman willananpaq, achkha kilometrosta purirqa. Chaywanpis kapusqallanwan may kusisqa kawsakurqa, ajinamanta Diosmanta astawan willananpaq (Mat. 8:20). Chayrayku Jesusqa, runas unqusqasninkuta jampinanpaq jarkʼachkaptinku nirqa: “Wajkunamampis Diospa reinonmanta evangeliota willamunallaytaj tiyan, imaraykuchus chaypaj kachamusqa kani”, nispa (Lucas 4:43).
2. ¿Imaraykutaq Jesús Diosmanta willayta may jatunpaq qhawarqa?
2 ¿Imaraykutaq Jesús Diosmanta willayta may jatunpaq qhawarqa? Ñawpaqtaqa, Tatanpa sutinta jatunchayta munasqanrayku (Mat. 6:9). Chantapis Tatanta mayta munakusqanrayku, munayninta, kamachiykunasninta ima juntʼayta munarqa (Juan 14:31). Chaywanpis runasmanta mayta dakusqanrayku, yanapayta munarqa (Mat. 9:36, 37).
3. ¿Imaynatá Diosmanta willayta ñawpaqman churasqanchikta rikuchisunman?
3 ¿Imaynatá payjina ruwasunman? Ichá, mana Jesusjina ruwayta atisunchu, imaraykuchus kay pachaqa tiempota usuchinapaq ruwaykunata rikuchiwanchik, chantá ruwaykunasninwan tiempota qhichuwanchik (Mat. 24:37-39; Luc. 21:34). Chayrayku imatachus ñawpaqta ruwananchikta, allinta akllayta yachananchik tiyan, chantapis sapa kuti willaq rinapaq kallpachakuna, willanapaqtaq wakichikuna (Fili. 1:10). Kapuwasqallanchikwantaq kusisqa kawsakuna, manataq kay pachap imasninta maskʼanachu (1 Cor. 7:31).
4. ¿Imaraykutaq kawsayninchikpi Diosmanta willayta ñawpaqman churananchik tiyan?
4 Mana tiempoyuq runaqa, allin yuyaywan imatachus ñawpaqta ruwananta ruwan. Sutʼincharinapaq, jatun para jamunanta yachaspa, familiaykita jarkʼanaykipaq, vecinosniykiman willanaykipaq ima, tiempochakunki, kallpachakunkitaq. Chaymanta wakin ruwaykunata ruwallawaq, ¿icharí? Kikillantataq Armagedonqa, jatun parajina chayamunanpaq pisi tiempollaña kachkan (Sof. 1:14-16; 1 Cor. 7:29). Chayrayku, qutuchakuypi chayri maypipis, imaynatachus kawsachkasqanchikta, imatachus yachachichkasqanchikta ima, allinta qhawarikuna tiyan, jinamanta ñuqanchik, willayta uyariqkuna ima salvakusunman (1 Tim. 4:16). Qhawarisqanchikmanjina, kawsayninchikpi Diosmanta willayta ñawpaqman churallasunpuni chayqa, salvakusun.