Jehová kamachiwasqanchikta juntʼanapaq wakichiwanchik
1. Jehová ima ruwaytapis kamachisninman quptin, ¿imaynatá wakichin?
1 Jehová ima ruwaytapis kamachisninman quptin, juntʼanankupaq wakichin. Sutʼincharinapaq, Noeman arcata ruwananpaq kamachichkaptin —mayqintachus ñawpaqta mana ruwarqachu— imaynatachus ruwananta nirqa (Gén. 6:14-16). Ovejasta michiq llampʼu sunqu Moisesmanpis Israelpa ancianosninwan, Faraonwan ima parlananpaq kamachichkaptin nirqa: “Noqamin simiykinejta parlasaj, yachachisqaykitaj imatachus parlanaykita”, nispa (Éxo. 4:12). Kay tiempopipis, Jehová allin willaykunata juntʼanapaq mana sapallanchiktachu saqiwanchik, manaqa Diosmanta Parlayta Yachanapaq, Willayta Yachanapaq Tantakuykunaniqta wakichiwanchik. ¿Imaynatá kay tantakuykuna yanapawasunman?
2. ¿Imaynatá Diosmanta Parlayta Yachanapaq tantakuy yanapawasunman?
2 Diosmanta Parlayta Yachanapaq. Sapa tantakuypaq ñawpaqmanta wakichikuy. Kay tantakuypi hermanos imaynatachus parlarisqankuta qhawarispa, sumaqta yachachinaykipaq yanapasunqa (Pro. 27:17). Chantapis Benefíciese libroykita kay tantakuyman apay, cuadernotajinataq apaykachay. Sapa hermano parlayta tukusqantawan, yachachiq hermano chay libromanta ima yachaqanatachus sutʼinchachkaptin, imatachus ruwanaykipaqjina marcaykuwaq chantá paginaspa kantusninpi qillqayta atiwaq. Wakichikusqan yanapasunanta munanki chayqa anotachikunayki tiyan. ¿Anotachikunkiñachu? Kay tantakuypi parlarimunayki kaptinqa allinta wakichikuy chantá yuyaychasusqanmanjina ruway. Willaytaq yachakusqaykimanjina.
3. ¿Imatá Willayta Yachanapaq Tantakuy yanapanawanchikpaq ruwasunman?
3 Willayta Yachanapaq Tantakuy. Yachachikusqanta yuyarinapaqqa ñawpaqta ñawirina, parlarinapaqpis wakichikuna. Pisillata parlasun chayqa wakkunapis parlarillanqankutaq. Willayniykipi yanapasunanpaqpis, rikuchiykunata allinta qhaway. Reinomanta Willayninchikpi wak yuyaychaykuna rikhuriptin, willaypi apaykachanaykipaq sutʼiman churay.
4. ¿Imaraykutaq Jehová wakichiwasqanchikta sumaqpaq qhawana?
4 Imaynatachus Noé, Moisés ima ruwayninkuta mana juntʼayta atillarqankuchu, Jallpʼantinpi willamuyqa kikillantaq (Mat. 24:14). Chaywanpis Sumaq Yachachiq Jehovapi atienekunchik chayqa, ruwayninchikta kusiywan juntʼasunchik, wakichiwasqanchiktapis sumaqpaq qhawasunchik (Isa. 30:20).