La Biblia y su mensaje nisqa folletota, ¿imaynatá apaykachasunman?

Achkha runas maypichus willanchik chaypi Bibliata mana riqsinkuchu, astawanraq pikunachus cristiano nichikuqkuna religionesmanta mana kaqkuna. Wakin willaqkunaqa Yachachin librowan yachachichkaspa, astawan Bibliamanta sutʼinchanankupaq, La Biblia y su mensaje nisqa folletowan yanapachikunku (kay folletoqa español qallullapi tiyan). Juk hermano, yachakuqwan 3 yachaqanaman chayaptin, chay folletomanta 1 yachaqanamanta qallarispa ukhunchan. Chaymantapacha sapa kuti yachakuyta manaraq tukuchkaptinku kay folletomanta juknin yachaqananta ukhunchanku. Bibliamanta juk chhikata chayri ni imata yachaq runasman, ¿yachachichkankichu? ¿Manachu allin kanman Yachachin librowan yachachichkaspa La Biblia y su mensaje nisqa folletowan yanapachikunayki? Jinamanta qamwan yachakuqta “Diosmanta Qhelqasqata, mayqenchus yachachi[nqa] salvacionta tarina[npaq]” yanapanki (2 Tim. 3:15).