“Revistaswan willamunapaj yuyaychaykuna”

Willayta Yachanapaj Tantakuypeqa sapa killa imaynatachus revistaswan willamunapaj umallirichikun, nitaj tukuy revistata ukhunchanapajchu, astawanpis imaynasmantachus revistaswan willamunapaj yuyaychawanchej. Chayrayku, umallirichejqa kamachikusqanman jina pisillata parlaspa, revistaswan willamunapaj kallpachananpaj jina qallarinan tiyan. Chantá uyarejkunata nenqa chay revistaj uj yachaqananmanta (chayri astawan yachaqanasmanta) parlarinankuta, jinamanta uyarejkuna willaypi kikinta ruwanankupaj. Chantá uyarejkunata imaynatachus willaypi ruwanankuta tapunanmantaqa, runa yachakuyta munanankupaj, ima tapuytachus ruwanankuta, chayri ima versiculotachus leerinankuta taponqa. Tukunanpajtaj sapa revistawan imaynatachus willanata rikuchenqa. Ñaupajmanta revistasninchejta leena, jinamanta imaynatachus willamunapaj tantakuypi parlariyta atisun. Sumajta wakichikojtinchejqa, purajmanta yanapanakusun (Pro. 27:17).