Revistaswan willaranapaj

¿Maypitaj sumaj yachachiykunata tariwaj?

Uyarejman tratadota qhawarishananpaj jaywariy, chantá niwaj: “Imaynalla. Jallpʼantinpi tukuy runasman kay willayta saqeshayku. Kayqa qanpaj”.

Wasinkupi mana kajkunaman uj tratadota saqespaqa, callepi purej runas mana rikunankupaj jina saqey. Ama anchata doblaspalla.

Tratadomanta astawan yachakuyta chayri parlarillaytapuni munajtenqa, tratadoj ñaupaj kaj paginanpi tapuykunasninmanta imatachus yuyasqanta tapuriwaj. Chantá iskay kaj paginanpi Salmo 119:144, 160 leeripuy. Sutʼinchariytaj chay tratadoqa, tapuykunasninman Biblia imatachus kutichisqanta Internetpi tarinanpaj yanapasqanta. Chantá ichá qhawarichiwaj ¿Imaraykutaj Bibliamanta yachakuna? nisqa videota. Niraj ripushaspataj, tratadoj tawa kaj paginanpi, kinsa tapuykunasninta leeripuytawan, mayqentachus yachakuyta munasqanta tapuriy. Chay tapuyman Bibliaj kutichiyninta jw.org nisqapi tarinanpajtaj, waj pʼunchay kutispa yanaparinaykita niy. Kutispataj ENSEÑANZAS BÍBLICAS > PREGUNTAS SOBRE LA BIBLIA, nisqaman yaykuspa chay tapuypa kutichiyninta maskʼay.

Jatun tantakuypaj invitacionesta jaywashallankitaj chayqa, tratadotawan khuska invitacionta jayway. Niytaj: “Uj jatun tantakuyman rinaykipaj kay invitaciontawan saqesqayki. Chaymantaj tukuypis mana pagaspalla yaykonqanku. Chaytaj tumpamantawan kanqa”.

Torremanta Qhawaj 1 agosto

Atikojtenqa sapa semana tukukuyta Torremanta Qhawaj revistata jaywarinaykipaj, kayta niwaj: “Kay killamanta revistastawan saqerisuyta munayman. Kay revistaqa kay tapuyman kutichishan ‘¿Dios yuyarikusunkichu?’”.

¡Despertad! Agosto

Atikojtenqa sapa semana tukukuyta ¡Despertad! revistata jaywarinaykipaj, kayta niwaj: “Kay killamanta revistastawan saqerisuyta munayman. Kay revistaqa imaynatachus wajkunawan allinta apanakunamanta parlarishan”.