Revistaswan willaranapaj

Septiembrepi ñaupaj kaj sabadota Bibliamanta yachachiyta qallarinapaj

“Wakin runasqa angelespi creenku. Qanrí, ¿creellankitajchu? [Kutichinanta suyariy.] Angelesqa may atiyniyoj espíritus kanku. Bibliataj imaynamantachus paykuna yanapawasqanchejta sutʼinchan.” Chantá septiembre killamanta Torremanta Qhawaj revistaj wasanpi yachaqanata rikuchispa, ñaupaj kaj tapuyta paywan ukhunchay. Bibliamanta uj versiculollatapis leeriy. Revistasta saqey. Chantá qhepan tapuyta ukhunchanapaj, waj pʼunchay kutinaykita niy.

Torremanta Qhawaj 1 septiembre

“Ashkha runas kay Jallpʼata phiriykushanku. ¿Pillapis chayta allinchayta atinmanchu? [Kutichinanta suyariy.] Runas kay Jallpʼata mana allinchayta atejtinkupis, Bibliaqa niwanchej Dios allinchayta atisqanta, chaytapunitaj ruwayta munasqanta. Chayta nishan kay Salmo 65:9 [leey]. Kay revistaqa sutʼinchashan imaynatachus, Dios kay Jallpʼata jarkʼananta, chantapis imaynatachus chaypi kusisqa kausakunanchejta. Kay revistata leerinaykipaj saqesqayki.”

¡Despertad! Septiembre

“Ashkha runasqa anchata llankʼayman qokusqankurayku imatachus ruwanankuta niña yachankuchu. Yachayniyoj runasqa ninku anchata llankʼayqa cuerpota saykʼuchisqanta. Chaytaj umphuyachiwasunman, llauchʼiyachiwasunman ima. ¿Imataj yanapawasunman mana ajinapi rikukunapaj? [Kutichinanta suyariy.] Kay versiculoqa niwanchej imatachus ruwananchejta [Eclesiastés 4:6 leey]. Kay revistapi tawa yuyaychaykuna tiyan. Chaykunataj llankʼayta maychus kajllata qhawanapaj yanapawasun.”