Aswan sumaj yachachejkuna kana: astawan yachakuyta munananpaj jina parlarina

¿Imaraykutaj ruwananchejpuni tiyan? Uj runa astawan Bibliamanta yachakuyta munajtenqa wasinman kutiyta munanchej, cheqa yachachiyta uj mujuta jina qarpanapaj (1 Cor. 3:6). Chayta ruwanapajtaj niraj ripushaspa, wasiyojta maykʼajchus wasinman kutiyta atisqanchejta tapurisunman. Chantapis astawan yachakuyta munananpaj jina uj tapuyta ruwasunman, kutispataj chay tapuyman kutichisunman. Chantapis jaywasqanchej publicacionllamantataj chay tapuyta ruwanchej chayqa, ichá chay publicacionta leerenqa. Ajinata ruwajtinchejqa kutejtinchej wasiyojwan parlariy atikullanqa, imajtinchus yachanqaña imamantachus parlarinanchejta. Kutispataj chay tapuyman kutichej risqanchejta nisunman, ajinamanta wasiyojwan parlarillasunmanpuni.