Aswan sumaj yachachejkuna kana: Yachachin librowan imaynatachus yachachisqanchejta rikuchina

¿Imaraykutaj ruwananchejpuni tiyan? Ashkha runasqa, “¿Bibliamanta yachakuyta munawajchu?” nejtinchej, ichá yuyankuman waj runaswan khuska escuelapi jina estudianankuta. Chayrayku, “¿Bibliamanta yachakuyta munawajchu?” ninanchejmantaqa, ichá allin kanman pisi tiempollapi imaynatachus Bibliamanta yachachisqanchejta rikuchinanchej. Chaytataj runaspa wasi punkullankupi ruwayta atisunman. Ajinamanta runasqa reparanqanku Bibliamanta yachakuy may sumaj kasqanta.

¿Imaynatá ruwasunman?

Wasiyojta napaykuriytawan, jamoj imasmanta imachus llakichisqanta tapuriy.
Ashkha runas chay llakiynillayojtaj kasqankuta niy. Rikuchiytaj Yachachin libroj kapuyninta. Sutʼinchariytaj chay libroqa Biblia nisqanman jina, imaynachus kausay qhepaman kananta, entiendenapaj jinalla sutʼinchashasqanta, waj yachaqanaspiwantaj kapusqanta. Chantá mayqen yachaqanamantachus yachakuyta munasqanta tapuriy.
Uj librota jaywaspa, ajllakusqan yachaqanata rikuchiy. Sutʼinchaytaj chay yachaqanaj qallariyninpi tapuykunamanqa, chay yachaqanaj parrafosnillantaj kutichishasqanta.
Wasiyojta tapuriy parrafota leeyta munasqantachus manachus. Chantá tapuyninta leeytawan, kutichiyninta khuska leeychej, mayqen versiculoschus chay tapuyman kutichinapaj yanapasqantataj maskʼaychej. Libroykipitaj chay tapuypa kutichiyninta marcasqaykita rikuchiy.
Qhepan kaj parrafotañataj leey, niytaj entiendesqanman jinalla kutichinanta.
Sumajta kutichisqanta niy. Chay yachaqanata tukuchanaykichejpajtaj, ima pʼunchaychus kutinayki atikusqanta tapuriy.
Atikojtenqa jw.org nisqamanta ¿Imaynatá Bibliamanta yachachiyku? videota qhawarichiy.

Killantinta kayta ruway:

Jehovamanta bendicionninta mañakuy, Bibliamanta yachakuyta munajkunata tarinaykipaj (Fili. 2:13).
Willashaspa uj kutillatapis kay Yachachin librowan chayri ¿Imaynatá Bibliamanta yachachiyku? videowan, imaynatachus Bibliamanta yachakuna kasqanta yachachinaykipaj kallpachakuy.