Cheqa kajta yachachina

Septiembre killamanta Cristiano Kausayninchej Tantakuypaj folletopi “Cheqa kajta yachachina” nisqa mosoj yanapa kanqa. Chaytaj Sumajta yachachinachej nisqapi kashanqa. Chayqa yanapawasun runasman Bibliamanta cheqa kajta yachachinapaj uj tapuywan, uj versiculowantaj.

Wasiyoj yachakullaytapuni munajtintaj waj día kutinapaj uj tratadota chayri waj publicacionta saqesunman. Rikuchillasunmantaj uj videota Internetpi jw.org nisqaman yaykuspa. Parlarinallapajpuneqa pisi diasninman kutina. Chay umallirichiykunaqa Yachachin libroj yachaqanasninman jina ruwakonqa. Sapa capituloj tukukuyninpi kaj recuadropi textosqa, yanapawasunman kutispa parlarinapaj chayri Bibliamanta yachachinapaj.

Kausayman pusaj ñanqa ujlla (Mt 7:13, 14). Runasqa ashkha imaymana creenciasniyoj kanku, waj jina costumbresniyojtaj, chayrayku Bibliamanta cheqa kajta yachachishaspaqa yachakuyta munananpaj jina parlarinanchej tiyan (1Ti 2:4). Runaswan Bibliamanta parlarinapaj wakichikusqanchejman jina, chantá “cheqa kaj” palabramanta aswan sumajta yachachisqanchejman jina, kusisqa kasun, runasman yachachejtinchejtaj allin riwasun (2Ti 2:15).