Jehovata jatunchay

Kausayqa uj sumaj regalo. Chayta jatunpajchus manachus qhawasqanchejtataj kausayninchejwan rikuchinchej. Imatachus ruwayta yachasqanchejwan Jehovata jatunchanapaj kallpachakunchej, imaraykuchus pay kausayta qowanchej (Sl 36:9; Ap 4:11). Problemasniyoj kasqanchejraykutaj, Diospa llajtanpi imastachus ruwayta atisqanchejta ichá niña ñaupajman churasunmanchu (Mr 4:18, 19). Chayrayku tapurikuna: “¿Jehovaman noqamanta aswan allin kajtachu qoshani? (Os 14:2). ¿Jehovata yupaychanaypaj llankʼayniy chayri profecionniy yanapawanchu? ¿Imastá Diospa llajtanpi astawan ruwayta munani? ¿Imaynatá astawan predicaj llojsiyman?”, nispa. Astawan Jehovapaj llankʼayta atisqaykita reparaspaqa Paymanta yanapata mañakuy, kallpachakuytaj chayta ruwanaykipaj. Cheqamantapuni nisunman Jehovata jatunchayqa mayta kusichiwasqanchejta (Sl 61:8).

IMATACHUS ALLINTA RUWAYTA ATISQAYKIWAN JEHOVATA SIRVIY NISQA VIDEOTA QHAWAYTAWAN KAY TAPUYKUNAMAN KUTICHIY:

• ¿Imaraykú mana allinchu ruwayta atisqanchejta Satanaspa mundonpaj apaykachay? (1Jn 2:17).

• ¿Ima bendicionestataj japʼinku Jehovaman aswan allin kajta qojkuna?

• ¿Imata ruwaspataj Diosta astawan sirviyta munawaj?