“Tataykita, mamaykitawan jatunpaj qhaway”

Jesús kay jallpʼapi kashajtin, watejmanta kayta kamacherqa: “Tataykita, mamaykitawan jatunpaj qhaway”, nispa (Éx 20:12; Mt 15:4). Jesús chayta niyta aterqa, imaraykuchus payqa tatasninta kasukojpuni (Lu 2:51). Jesusqa niraj wañupushaspa, maman Mariata qhawaripunankupaj encargakorqa (Jn 19:26, 27).

Kay tiempopipis cristiano jovenesqa, tatankuta mamankutawan jatunpaj qhawanku, paykunata kasukuspa, respetowantaj parlarispa. Tatanchejta, mamanchejtawan tukuy tiempo jatunpaj qhawananchej tiyan. Paykuna machitusña kajtinkupis, yuyaychariwasqanchejta tukuy sonqo japʼikuna. Chayta ruwaspa paykunata jatunpaj qhawanchej (Pr 23:22). Paykunata jatunpaj qhawallasunmantaj, machuyapojtinku paykunamanta mana qonqakapuspa, necesitasqankuta jaywarispa ima (1Ti 5:8). Jóvenes chayri kurajkunaña kaspapis, tatasninchejwan sapa kuti parlarispa paykunata jatunpaj qhawallanchejtaj.

TATAYKIWAN MAMAYKIWAN PARLARIYPUNI NISQA VIDEOTA QHAWAYTAWAN KAY TAPUYKUNAMAN KUTICHIY:

• ¿Imaraykú wakin kutis tataykiwan mamaykiwan mana parlariyta atillawajchu?

• Tatasniykiwan parlarishaspa, ¿imaynatá paykunata jatunpaj qhawawaj?

  

• ¿Imaraykú tataykiwan mamaykiwan parlarinaykipuni tiyan? (Pr 15:22).