“Rijchʼarisqallapuni kaychej”

25:1-12

Jesusqa uj kikinchaypi chunka doncellasmanta parlarqa. Chay kikinchay ajllasqa cristianospaj kajtinpis, tukuy cristianosta yanapawasunman (w15 15/3 págs. 12-16). “Rijchʼarisqallapuni kaychej. Qankunaqa mana yachankichejchu ima pʼunchaychus, ima horachus chay kananta” (Mt 25:13). Jesuspa kikinchayninta, ¿sutʼinchasunmanchu?

• Novio (1 versículo): Jesús.

• Yuyayniyoj chayri wakichisqa doncellas (2 versículo): Ajllasqa cristianos, pikunachus ruwayninkuta juntʼanankupaj wakichisqa kashanku, chaykuna. Paykunaqa kay mundoj tukukuyninkama kʼanchajkuna jina lliphipinku (Flp 2:15).

• Uj qhapariy uyarikusqa: “Kaypiña novio kashan” (6 versículo): Jesuspa kutimunan tiempo reparakun.

• Mana yuyayniyoj doncellas (8 versículo): Mana wakichisqachu, nitaj cheqa sonqochu kaj ajllasqa cristianos.

• Yuyayniyoj doncellasqa mana aceitenkuta qorinkuchu (9 versículo): Cheqa sonqo ajllasqa cristianos wiñaypaj sellasqa kasqankutawan, niña yanapayta atenqankuchu Diosta wasanchaj ajllasqa cristianosta.

• “Novio chayamusqa” (10 versículo): Manchay ñakʼariy tiempo tukukunanña kashajtin, Jesusqa runasta juzgananpaj chayamun.

• Yuyayniyoj doncellas noviowan khuska casamiento wasiman yaykunku, punkutaj wisqʼakapun (10 versículo): Jesusqa cheqa sonqo ajllasqa cristianosta cielopi tantaykun. Diosta wasanchaj ajllasqa cristianostaj tʼinkankuta pierdenku.