Jehová Diosta munakojkunawan masichakuna

¿Imajtintaj Jehovata munakojkunallawan masichakunanchej tiyan? Imajtinchus pikunawanchus masichakusqanchejman jina imatapis ruwanchej (Pr 13:20). Rey Joasmanta parlarina. Payqa Joiada sacerdotewan khuska kashaspa Jehovaj ñaupaqenpi cheqan kajtapuni ruwarqa (2Cr 24:2). Joiada wañupojtintaj Joasqa, Diosta wasancharqa sajra runaswan masichakusqanrayku (2Cr 24:17-19).

Apóstol Pabloqa tiemponmanta congregacionta ‘uj jatun wasiwan’ kikincharqa, congregación ukhupi kajkunatataj ‘vasoswan’ chayri waj imaswan. Wakin runasqa mana Jehová Diospa munayninman jinachu imatapis ruwanku Jehovaj testigosnin kaspapis chayri familiaresninchej kajtinkupis. Chayrayku mana paykunawan masichakunchejchu. Ajinamanta rikuchinchej ‘jatun pʼunchayllapi oqharinapaj vasos jina’ kasqanchejta (2Ti 2:20, 21). Chayrayku Jehová Diosta munakojkunallawan astawan masichakuna, paykunaqa Diosta sirvinapaj yanapawasun.

MANA ALLIN RUWAYPI PUREJKUNATA QHESACHANANCHEJ TIYAN NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Imaynatataj mana reparakuspalla sajra amigoswan masichakushasunman?

• ¿Imataj yanaparqa videomanta kinsantin hermanosta manaña sajra amigoswan masichakunankupaj?

• ¿Ima textostaj yanapawasunman sumaj amigosta ajllanapaj?