Jallpʼaqa mayuta ujyaykakaporqa

Unaymantapacha autoridadesqa, Jehová Diospa llajtanta ashkha kutispi yanaparqanku (Esd 6:1-12; Est 8:10-13). Kay tiempopipis ‘jallpʼaqa’ nisunman wakin lugaresmanta llampʼu sonqo kaj gobiernosqa, ujyaykakapunku Satanás mayuta jina qhatiykachayta rikhurichisqanta (Ap 12:16). Jehová “Diosninchejqa salvaj Dios” kasqanrayku, ashkha kutispi gobiernospa sonqonkuta kuyuricherqa llajtanta yanapanankupaj (Sl 68:20; Pr 21:1).

Qan creeyniykirayku carcelpi kashanki chayqa, ama manchachikuychu, Jehová Dios qanwan kashan (Gé 39:21-23; Sl 105:17-20). Sinchʼi creeyniyoj kasqaykiraykutaj ashkha bendicionesta japʼinki, Jehová Diosta mana wasanchasqaykipis mundontinmanta hermanosta kallpachanqa (Flp 1:12-14; Ap 2:10).

COREAMANTA HERMANOS CARCELMANTA LLOJSIMUNKU NISQA VIDEOTA QHAWAYTAWAN, KAY TAPUYKUNAMAN KUTICHIY:

• ¿Imaraykutaj Corea del Surpi unaymantapacha hermanosta carcelman wisqʼarqanku?

• ¿Imaraykutaj Ministerio de Justicia nerqa carcelpi kaj hermanos sojta killasmanta kacharisqas kanankuta?

• ¿Imaynatataj yanapasunman creeyninkurayku carcelpi kaj hermanosninchejta?

• ¿Imatataj ruwasunman niraj carcelpi kashaspa?

• ¿Pitaj jatunchasqa kanan tiyan tribunalespi ganasqanchejmanta?