¿Imaynatá tratadoswan willayta qallarisunman?

Enero de 2018 watamantapacha, Cristiano Kausayninchej tantakuypaj folletoj ñaupaj paginanpi predicanapaj yuyaychaykuna rikhurerqa. Publicacionesllata saqenamantaqa, runaswan parlarinanchej kashan. Chaypajtaj willanapaj videos yanapawanchej, imaynatachus Bibliawan predicayta atisqanchejta. Chayqa mana niyta munanchu wasiyojman manaña publicacionesta saqenanchejta. Tratadosqa sumajta yanapawanchej runaswan parlayta qallarinapaj. Tratadoswan sumajta yachachinapajqa kay yuyaychaykuna yanapawasunman:

1. Tratadoj ñaupaj paginanpi rikhurej tapuyta tapurisunman chantá kutichinanta saqesunman.

2. Iskay paginapi rikhurej versiculota rikuchisunman. Wasiyoj tiempitoyoj chayqa tratadota leeripuspa ukhuncharisunman.

3. Tratadota wasiyojman saqesunman, tiempiton kajtintaj tratadota tukuyninta leenanta nisunman.

4. Niraj ripushaspataj qhepa kaj paginapi rikhurej tapuyta tapurisunman. Qhepanpitaj chaymanta Bibliawan parlarinanchejta nisunman.

Kutispataj saqesqanchej tapuyman kutichisunman, waj tapuyta ruwasunman qhepanpi chaymantañataj parlarinapaj. Internetpi jw.org nisqamanta chayri tratadoj tawa kaj paginanpi rikhurej publicacionmanta uj tapuyta ajllasunman. Atikojtintaj saqesunman ¡Diosmanta jamoj sumaj willaykuna! nisqa folletota chayri Bibliata estudiachinapaj publicacionesmanta mayqellantapis.