¿Diospa Gobiernonmanta Willajkunapaj Escuelaman riyta munawajchu?

Diospa Gobiernonmanta Willajkunapaj Escuelaman rinaykipaj solicitudta juntʼachiyta atinki. Chaymanqa riyta atinku 23 watasniyojmanta 65 watasniyojkama. Chantá precursor, sanito ima kananku tiyan, maypichus pisi willajkunalla kanku chaymantaj ripuyta munananku tiyan. Kay escuela ruwakuyta qallarisqanmantapacha may chhika matrimonios, solteras, solteros ima solicitudta juntʼacherqanku. Jinapis astawanqa soltero hermanosta necesitakun. Jehová Diosmanta mañakuy astawan payta sirviyta munanaykipaj, Jesús jinataj ruwanaykipaj (Sl 40:8; Mt 20:28; Heb 10:7). Chantá wakin ruwanasniykita pisiyachiwaj, ichá familiaykimanta pillatapis qhawashanki, ashkha horasta trabajashanki chayri manusniykita juntʼanayki kashan.

Chay escuelaman rejkunaqa, ashkha imaynasmanta yanapakuyta atinku. Wakenqa waj parlayta parlakun chayman kachasqa kanku chayri maypichus ashkha runas kanku chaypi carritowan willanankupaj kachasqa kanku. Tiemponwantaj wakenqa sirvinku superintendentes de circuito sustitutos jina, superintendentes de circuito jina chayri misioneros jina. Jehovata astawan sirviyta munaspaqa, profeta Isaías jina niwaj. Pay nerqa: “Kaypi kani, noqata kachaway”, nispa (Isa 6:8).

MISIONEROSQA PREDICACIONPI SUMAJTA LLANKʼASHANKU NISQA VIDEOTA QHAWAYTAWAN, KAY TAPUYKUNAMAN KUTICHIY:

• 

  ¿Imaynatá misionerosta ajllakun?

• 

  ¿Imaynatá misioneros Diospa llajtanpi yanapakushanku?

• 

  ¿Ima bendicionestataj misioneros japʼinku?