CRISTIANO KAUSAYNINCHEJ
¿Imatá Samuelpa kausayninmanta yachakunchej?
Samuelqa Jehová Diosta ni jaykʼaj wasancharqachu. Wawallaraj kashajtin Elijpa wawasnin Hofní, Finehás ima mana allin imasta ruwasharqanku. Samueltaj mana paykuna jinachu karqa (1Sa 2:22-26). Samuelqa wiñashallarqapuni, Jehová Diostaj paywan kasharqa (1Sa 3:19). Samuelqa machituña kaspapis, Jehová Diosta kasukullarqapuni wawasnin mana pay jina ruwajtinkupis (1Sa 8:1-5).
¿Imatá Samuelmanta yachakusunman? Jehová Diosqa jóvenes imaspichus rikukusqankuta yachan, imaynachus sientekusqankutapis. Chaymanta mana iskayrayanankuchu tiyan. Jehová Diosqa jovenesta yanapanqa mana manchikunankupaj (Isa 41:10, 13). Tatasqa wawasninku Jehovamanta karunchakojtinku, Samuelpa kausayninmanta yachakuspa mayta sonqochakunkuman. Samuelqa wawasninta mana obligayta aterqachu Jehová Diospa kamachiykunasninta kasukunankupaj. Samuelqa llakiyninta Jehová Diospa makinpi saqeporqa, nitaj wasancharqachu. Jinamanta Jehovata kusicherqa. Tatas Jehovata mana wasanchasqankoqa, ichapis wawasninku Jehová Diosman kutinpunankupaj yanapanqa.
SAMUELMANTA YACHAKUNA NISQA VIDEOTA QHAWAYTAWAN, KAY TAPUYKUNAMAN KUTICHIY:
Samuel wawallaraj kashaspa, ¿imatá ruwarqa mana manchikusqanrayku?
¿Imatataj Dani ruwarqa mana manchikusqanrayku?
¿Imatá Samuel ruwarqa machituña kaspa?
Jehová Diosqa allin kajta ruwajkunawan kashan.
¿Imatá Danij tatasnin ruwarqanku?