Septiembrepi estudiosta qallarinapaj jatun campaña

Septiembre killapi Wiñaypaj kusisqa kausakuy folletowan estudiosta qallarinapaj mayta kallpachakusun. Chay killa precursor auxiliar kayta munajkunaqa 30 horasta willayta atenqanku. ¿Imaynatá chay campaña ruwakonqa?

• Ñaupaj kutipi parlarispa. Runas yachakuyta munanankupajqa Wiñaypaj kusisqa kausakuy folletoj 16 paginanpi nisqanman jina parlarina, sutʼincharinataj imaynatachus Bibliamanta yachachisqanchejta. Kikillantataj ruwasunman revisitasninchejwan, pikunachus ñaupajta astawan yachakuyta munarqanku chaykunawanpis. Ichapis ñaupajpi mana estudiayta munarqankuchu, kunantaj ichapis kay folletota rikuspa, imaynatachus yachachisqanchejta yachaspa ima, estudiayta munankuman. Folletostaqa mana wasispi saqesunchu, nillataj mana yachakuyta munajkunaman cartatawan khuska apachisunchu. Comité de Servicio nisqapi kaj ancianosqa waj horaspipis predicacionman llojsinapaj tantakuykunata wakichinkuman.

• Waj kutispi parlarispa. Congregación carritoswan predican chayqa, carritospi churankuman Wiñaypaj kusisqa kausakuy folletota. Sichus uj runa carritomanta folletota apakuyta munan chayqa, mana ni mashkhata cobraspalla Bibliamanta yachachiyta atisqanchejta nisunman. Atikojtenqa willarisunman imaynatachus Bibliamanta yachachisqanchejta chayri waj kutipi chayta willarinanchejta nisunman. Superintendente de servicio nisqa hermanoqa, wakin experienciayoj hermanosta kachanman congregacionpa territorionpi kaj negociosman, Bibliamanta yachakuyta munajkunata maskʼamunankupaj. Chantapis trabajopi compañerosninchejman, waj runasmanpis Bibliamanta yachachiyta munasqanchejta nisunman.

Jesús nerqa runasta discipulosninman tukuchimunanchejta, yachachimunanchejta ima (Mt 28:19, 20). Maytapuni munayku kay jatun campañapi Wiñaypaj kusisqa kausakuy folleto chayta ruwanapaj yanapanawanchejta.