Casarakoyqa mana uj tiempollapajchu

Cristiano qhariwarmis allinta kausakuspaqa Jehovata jatunchanku, kusisqataj kausakunku (Mr 10:9). Matrimonioqa mana uj tiempollapajchu kanan tiyan. Chayrayku casarakuyta munajqa Bibliaj yuyaychaykunasninman jina uj warmita chayri uj qosata ajllanan tiyan, ajinallamanta kusisqa kausakonqanku.

‘Tʼika jina joven kayniyki’ niraj pasashanchu chayqa, ama piwanpis noviayrajchu. Imaraykuchus jovencito kaspaqa qhariwarmi jina puñuykuyta munay allin sinchʼi kanman, chayraykutaj mana allinta yuyaychakuspalla imatapis ruwarpariwaj (1Co 7:36). Soltero kashaspa kallpachakuy Diosman astawan qayllaykunaykipaj, wiñay tukusqa cristiano kanaykipaj ima. Ajinamanta sumaj wakichisqa kanki sumaj warmi chayri sumaj qosa kanaykipaj.

Niraj pitapis “ya” nishaspa ‘sonqonpi’ imayna warmichus, imayna qharichus kasqanta allintaraj rejsiy (1Pe 3:4). Imatapis as mana allinta reparanki chayqa paywan parlariy. Casado kausaypeqa mana allinnillanchejtachu maskʼana tiyan, manachayqa qosanchejpa chayri warminchejpa allinninta maskʼaypi yuyana tiyan (Flp 2:3, 4). Niraj casarakushaspa Bibliaj yuyaychaykunasninta kasukunki chayqa, casarakuspapis kasukullankipuni, ajinamanta qhariwarmi jina kusisqa kausakunkichej.

CASARAKUNAPAJ WAKICHIKUY: KINSA KAJ: ÑAUPAJTA QHAWARIN QOLQENTA NISQA VIDEOTA QHAWAYTAWAN, KAY TAPUYKUNAMAN KUTICHIY:

• Hermananchej novionwan rejsinakushajtinku, ¿imayná paykunata risharqa?

• ¿Imatá hermananchej novionpi repararqa astawan rejsispa?

• ¿Imaynatá tatasnin hermananchejta yanaparqanku? Chanta, ¿imatá hermananchej ruwarqa?