Wiñaypaj kusisqa kausakuy librota sumajta rejsina

Wiñaypaj kusisqa kausakuy libromanta videosnin, tapuykunasninpis, mayta gustawanchej. Sumajtapuni yanapawanchej “Wakin runas ninku”, “Tarea” chantá “Astawan yachakunaykipaj” nisqa partes. ¿Kay libromanta ima partespiwantaj yanapawasunman runasman Diosmanta yachachishaspa? (Mt 28:19, 20).

Videos, waj yanapas ima. Imprimisqa librowan yachachishaspa, ¿imaynatá facilta tarisunman uj lugarllapi sapa leccionpa videosninta? Tabletanchejpi chayri celularninchejpi libroj tawa tʼaqasninmanta ujninta ñitʼisunman. Rikhurimonqataj tukuynin lecciones, chay leccionespa ura kantunpitaj “Videos, waj yanapas ima” nishan chaypi ñitʼisunman. Chaypi kashan chay tʼaqamanta tukuy videos (1 kaj dibujota qhawariy).

“Edición impresa” chayri “Papelpi jina”. Celularwan chayri tabletawan yachachishaspaqa “Edición impresa” nisqaman churasunman. Yachachishanchej chay leccionpa pata kantitunpi kinsa puntitos tiyan, chaypi ñitʼispataj “Edición impresa” nisqata ajllasunman. Imprimisqa hojata jina rikuspaqa sutʼita reparasun imamantachus tukuynin lección parlashasqanta. “Edición digital” chayri “Qhelqasqapi” nisqaman kutinapajqa watejmanta kinsa puntitosman ñitʼina, chaypitaj “Edición digital” chayri “Qhelqasqapi” nisqata ajllasunman. Manachayrí ura kantitupi lila muyitu rikhurin chaypi ñitʼisunman.

“¿Wakichisqañachu kashani?”. Libroj tukukuyninpi iskay recuadros rikhurin, Bibliamanta yachakoj predicananpaj, bautizakunanpaj wakichisqañachus manarajchus kashasqanta reparakunanpaj (2 kaj dibujota qhawariy).

Sutʼinchaykuna. Kay sutʼinchaykunaqa wakin imasta astawan entiendenapaj sumajta sutʼinchan. Sapa sutʼinchaypa tukukuyninpi uj enlace tiyan, ima leccionpichus kasharqanchej chayman kutinanchejpaj (2 kaj dibujota qhawariy).