INTERNETPI BIBLIOTECA Watchtower
INTERNETPI BIBLIOTECA
Watchtower
Quechua (Bolivia)
  • BIBLIA
  • PUBLICACIONES
  • REUNIONES
  • w24 enero pág. 19
  • ¿Yacharqankichu?

Kay videoqa mana kanchu.

Perdonariwayku, ima problemachá kan.

  • ¿Yacharqankichu?
  • Torremanta Qhawaj Jehová Diospa Gobiernonmanta willashan (Congregacionpaj) 2024
  • Kaykunapiwan tiyan
  • “Jesusmanta sumaj willaykunata willarqa”
    ‘Diospa Gobiernonmanta allinta sutʼinchana’
  • Runaswan parlarikuy
    Munakuywan yachachiy
Torremanta Qhawaj Jehová Diospa Gobiernonmanta willashan (Congregacionpaj) 2024
w24 enero pág. 19
Felipe etíope runaman Diosmanta Qhelqasqamanta sutʼincharishan. Paykunaqa tawa ruedasniyoj carretapi tiyasqa rishanku. Chay carretataqa uj runa manejashan, caballoswan aysachispa.

¿Yacharqankichu?

¿Imayna carretapitaj Etiopiamanta eunuco runa viajasharqa Felipe payman qayllaykushajtin?

MOSOJ Jallpʼapi Kausajkunapaj Diospa Palabran Bibliapi ‘carreta’ nisqanqa ashkha laya carretas kanman (Hech. 8:28, 29, 38). Eunuco viajasharqa chay carretaqa, manasina maqanakupaj carretachu karqa, chayri carreraspajchu, manachayqa uj jatun carreta karqa. Qhawarina imaraykuchus chayta nisqanchejta.

Etiopiamanta chay runaqa uj respetasqa autoridad karqa, karutañataj viajasharqa. “Chay eunuco runaqa Etiopiamanta reina Candacej kamachiyninpi autoridad karqa. Chay reinaj qhapaj kapuyninmantataj cargoyoj karqa” (Hech. 8:27). Jaqay tiempopi Etiopiaqa kunan Sudán suyu kashan chay jallpʼas karqa, Egipto kashan chaymanta sur ladonpiwan. Chay etíope runaqa ichapis mana kikin carretapichu sapa kuti viajaj. Jinapis chay kutipeqa karuta viajanan karqa, chayrayku ashkha qʼepisniyojchá viajasharqa. Ñaupa cristianospa tiemponkupeqa pasajerospaj imaymana carretas kaj. Chaykunamanta ujnenqa tawa ruedasniyoj carreta karqa, techoyojtaj. Bibliamanta sutʼinchaj libro nin: “Chay jina carretaspeqa ashkha qʼepita apakuyta atej, viajanapajtaj sumaj kaj. Chantá ichá may karusta chay jina carretaspi viajaj kanku”, nispa (Acts—An Exegetical Commentary).

Felipe qayllaykushajtin, etíope runaqa leesharqa. Biblia nin: “Felipetaj carretaj ladonta correrqa, uyarerqataj eunucota profeta Isaiaspa qhelqasqanta jatunmanta leeshajta”, nispa (Hech. 8:30). Pasajerospaj carretasqa mana usqhayta puriyta atejchu kanku, imaraykuchus mana chaypaj jinachu ruwasqa karqanku. Chay carreta calmallawan purisqanrayku, etíope runaqa leeyta atillarqachá, Felipetaj correspalla alcanzarqa.

Etíope runaqa “Felipeta rogakorqa wicharispa ladonpi tiyaykunanta” (Hech. 8:31). Carrerata ruwanapaj carretaspeqa manejajkuna sayasqalla rej kanku, pasajerospaj carretapitaj eunucowan Felipewan tiyaykusqa rinankupaj campo kallarqa.

Hechos capítulo 8 imatachus nisqanrayku, chantá ñaupa tiempomanta imastachus tarisqankurayku, manaña etíope runata guerrapaj carretapichu, chayri carrerasta ruwanapaj carretapichu publicacionesninchejpi dibujanchej, manachayqa aswan jatun carretapi.

    Quechuapi publicaciones (2004-2025)
    Wisqʼanapaj
    Yaykunapaj
    • Quechua (Bolivia)
    • Wajman apachinapaj
    • Configuración
    • Copyright © 2025 Watch Tower Bible and Tract Society of Pennsylvania
    • Condiciones de uso
    • Política de privacidad
    • Configuración de privacidad
    • JW.ORG
    • Yaykunapaj
    Wajman apachinapaj