¿Imaraykutaj guerraspis chʼajwaspis kallanpuni?
Bibliaqa willawanchej imaraykuchus guerras, maqanaku chʼajwaspis kasqanta. Willallawanchejtaj imaraykuchus kunankama mana chinkasqanta.
JUCHA
Diosqa Adantawan Evatawan payman rijchʼakojta ruwarqa (Génesis 1:27). Chayrayku paykunaqa Dios jinallataj tukuywan allinta kausakuyta atinkuman karqa, tukuymantaj munakuyta rikuchiyta atinkuman karqa (1 Corintios 14:33; 1 Juan 4:8). Jinapis Diosta mana kasukusqankurayku juchallikorqanku. Paykunaj wawasnin kasqanchejraykutaj juchatawan wañuytawan herenciata jina japʼinchej (Romanos 5:12). Juchasapa kasqanchejrayku wakin kutis mana allin imasta ruwaypi yuyanchej, chayrayku ashkha runas sajra imasta ruwanku (Génesis 6:5; Marcos 7:21, 22).
GOBIERNOS
Diosqa mana ruwawarqanchejchu runaspura gobernakunapaj. Bibliaqa nin: “Runaqa mana nillaytapis atinchu imatachus kausayninpi ruwananta”, nispa (Jeremías 10:23). Chayrayku gobiernosqa mana chinkachiyta atinkuchu ni guerrasta, ni maqanaku chʼajwastapis.
SATANASWAN DEMONIOSNINWAN
Bibliaqa nin ‘mundontin Diabloj makinpi kasqanta’ (1 Juan 5:19). Payqa Satanás, mana khuyakuspataj runasta wañuchin (Juan 8:44). Paywan demoniosninwanqa runasta tanqanku guerrasta, maqanaku chʼajwastawan ruwanankupaj (Apocalipsis 12:9, 12).
Runasqa guerrasta, maqanaku chʼajwastawan rikhurichej imasta mana chinkachiyta atisunmanchu, Dioslla chinkachiyta atin.