Sonqoykita wakichiy

Bibliata estudiaspaqa munanchej Jehovamanta yachakusqanchej sonqonchejman chayananta, imatachus yuyasqanchej, imatachus munasqanchej chayman jina kananta. Sumaj kanman Esdras jina ruwananchej. Payqa “sonqonta wakicherqa Jehová Diospa Leyninta estudiananpaj” (Esd. 7:10). ¿Imaynatá Esdras jina ruwawaj?

Diosmanta mañakuy. Niraj estudiayta qallarishaspa Jehovamanta mañakuy entiendenaykipaj yanapasunanta, chayman jinataj kausayniykipi ruwanaykipaj (Sal. 119:18, 34).

Kʼumuykukoj sonqo kay. Diosqa cheqa kajta pakaykun jatunchakojkunamanta, yachaynillankupi atienekojkunamantapis (Luc. 10:21). Ama wajkunawan jatunchachikuyta munaspachu estudiay. Leeshaspa ichapis cuentata qokunchej imapipis cambiananchej kasqanta, jina kajtin kʼumuykukoj sonqowan chay imaspi cambiananchej tiyan.

Takiykunasninchejta uyariy. Chay takiykunasninchejqa sonqonchejkama chayan, sonqonchejtataj wakichin Diosta yupaychanapaj. Niraj estudiashaspa takiykunasninchejta uyareyqa, yanapawasun yuyayninchej Jehovapi kananpaj, yachakusqanchejman jinataj ruwayta munananchejpaj.