¿Yuyarikunkichu?

Kay 2025 watamanta Torremanta Qhawaj revistasta leerqanki chayqa, kay tapuykunaman kutichiyta atiwaj.

¿Imaraykutaj Jehovata jatunchanchej?

Jehovata jatunchanchej may jatunpaj qhawasqanchejrayku, tukuy sonqonchejwan munakusqanchejrayku, runas rejsinankuta munasqanchejrayku ima (w25.01, página 3).

Pillapis sonqonchejta nanachiwajtinchej, ¿imataj yanapawasun perdonanapaj?

Mana yuyananchejchu tiyan sonqonchej mana nanawasqanchejta. Jinapis perdonaspaqa phiñakuyta, phiñasqallapuni kaytapis saqeshanchej, sonqonchejtaj manaña phiñakuywan juntʼachu (w25.02, páginas 15, 16).

¿Imaraykutaj discípulo Marcos jovenespaj sumaj ejemplo?

Marcosqa wajkunata sirverqa. Pablo mana pusayta munajtin ichapis Marcosqa llakikorqa, sonqontaj nanarqa, jinapis mana desanimakorqachu. Astawanpis Pablowan, wiñay tukusqa cristianoswan sumaj amigos ruwakunanpaj kallpachakorqa (w25.04, página 27).

¿Imatá Jesús niyta munasharqa “paykunaman sutiykita rejsicherqani” nispa? (Juan 17:26)

Jesuspa discipulosnenqa yachallarqanku Diospa sutin Jehová kasqanta. Chayrayku chaywanqa niyta munasharqa imaynachus Jehová kasqanta paykunaman yachachisqanta, nisunman munayninta, ruwasqasninta, kʼacha kaykunasnintapis (w25.05, páginas 20, 21).

Kʼumuykukoj sonqo kajtinchej, ¿imatataj reparakusun?

Reparakusun mana tukuy imatapunichu yachasqanchejta. Mana yachanchejchu maykʼajchus tukukuy chayamunanta, imaynatachus Jehová yanapanawanchejtapis. Manallataj yachanchejchu imachus qʼaya pasananta. Jehová sumajta rejsiwasqanchejtapis mana entiendeyta atisunmanchu (w25.06, páginas 15-18).

¿Imatá ruwasunman mana testigospaj wakichisqa yachaqanawan chayri discursowan yanapachikunapaj?

Kay tapuykunapi piensarisunman: “Kay yachaqanapi chayri kay discursopi, ¿imaswantaj runasta yanapashan convencekunankupaj? ¿Ima kikinchaymantapis parlashanchu chaywan noqapis wajkunaman sumajta yachachinaypaj? ¿Pipajtaj kay yachaqana sumaj kanman?” (w25.07, página 19).

Davidta Jehová perdonasqan, ¿imatá yachachiwanchej Jehovaj perdonninmanta?

Davidqa jatun juchasta ruwarqa. Jinapis sonqomantapacha arrepientekusqanrayku Jehová perdonarqa (1 Rey. 9:4, 5). Jehovaqa juchasninchejta perdonaspa niña ujtawan yuyarikunchu, manataj aswan qhepaman castigawasunchu (w25.08, página 17).

Sichus estudionchej uj yachachiyta mana entiendeshanchu chayri mana japʼikuyta atishallanchu chay, ¿imatá ruwasunman?

Sichus Bibliawan sumajta sutʼinchajtinchejñapis, reparanchej wakin imitasta mana entiendeshasqanta chayqa, estudianallapuni. Ama qonqaspataj aswan qhepaman watejmanta chaymanta parlarina (w25.09, página 24).

Bibliapi ‘juchaj atiynin engañayta’ atiwasqanchejta nisqan, ¿ima niytá munan? (Heb. 3:13)

Iskaynejmanta engañawasunman: Pantaj runas kasqanchejqa sajra imasta ruwanapaj tanqawasunman. Chantapis Jehová munakuwasqanchejmanta iskayrayachiwasunman (w25.10, página 16).

Jehovaman astawan qayllaykunanchejpaj jina mañakunapaj, ¿imatá ruwasunman?

1) Jehovaj kʼacha kaykunasninpi tʼukurina. 2) Piensarisunman ima problemaspichus rikukushasqanchejta. Ichapis pita mana perdonarqanchejchu, chaytataj Jehovaman willarisunman. 3) Orakunapaj tiempochakuna. Aswan unayta Jehovamanta mañakusun chayqa tukuy imata willakuyta atisunchej (w25.10, páginas 19, 20).

¿Imaynatá machitusta yanapasunman?

Visitarisunman, wajyarisunman, doctorman acompañasunman, chayri tukuy imaynasmanta paykunawan khuska predicasunman (w25.11, páginas 6, 7).

¿Imatá novios ruwankuman casamientonku Jehovata jatunchananpaj?

Leyesta kasukunanku tiyan, Diospa yuyasqanman jina ruwananku tiyan, ropanku maychus kajlla kanan tiyan, wajkuna allinpaj qhawanankupaj jina, Bibliaman churanakoj costumbresta mana ruwanankuchu tiyan, casamientonkuta wakichishaspataj sutʼita, respetowantaj parlananku tiyan (w25.12, páginas 21-24).