¿Imaraykutaj Jehovaj testigosnin religionniyojña kajkunamanpis Bibliamanta willayku?

Waj religionniyoj runasqa, Bibliamanta parlariyta munanku. Imapichus creesqankutataj mana pisipajchu qhawayku. Chayrayku mana paykunata tanqaykuchu uyarinawaykupaj.

Religionmanta parlajtiyku, kallpachakuyku Biblia nisqanman jinapuni ruwanaykupaj. Chaytataj ruwayku, runasta “sumajpaj qhawaspa”, “llampʼu sonqowan” kutichispa ima (1 Pedro 3:15). Yachallaykutaj kay willayta mana tukuychu japʼikunankuta (Mateo 10:14). Jinapis ajinata tʼukuriyku: Mana paykunawan parlajtiyku, ¿imaynatá yachaykuman imatachus yuyasqankuta? Chantapis ichá kausayninku qhepaman tijrakunman.

¿Imaynamantá? Ichapis uj pʼunchay, wasiyojqa uyarinawaykupaj mana tiempoyojchu kashanman. Jinapis ichá waj kutipi parlariyta munanman. Chantapis wakin runasqa, llakiypi kashaspa Bibliaj nisqanta yachayta munanku. Chayrayku runaswan kutin kutita parlarinaykupaj kallpachakuyku.