Jehovaj testigosnin, ¿Jesuspi creenkuchu?

Arí. Jesusllataj kayta nerqa: “Noqa ñan kani, cheqa kajtaj, kawsaytaj; mana pipis Dios Tataman chayayta atinchu, mana noqanejta rispaqa”, nispa (Juan 14:6). Chantapis mana iskaychakuykuchu Jesús Jallpʼaman jamusqanmanta, kausayninta noqanchejrayku qosqanmanta ima (Mateo 20:28). Astawanpis, pikunachus wañuyninpi, kausarimuyninpi creejkunataqa, wiñay kausayta japʼenqanku (Juan 3:16). Creellaykutaj Jesusqa Diospa Reinonpi Rey jina kamachishasqanta, tumpamantawantaj chay Reino Jallpʼantinman allin kausayta apamunanta (Revelación [Apocalipsis] 11:15). Chaywanpis, Tatanmanta parlaspa kayta nerqa, “Payqa noqamanta kuraj”, nispa (Juan 14:28). Chay nisqantataj creeyku, nitaj creeykuchu Jesús tukuy atiyniyoj Dios kasqanta, chayrayku Jesusta mana yupaychaykuchu.