¿Dioswan, Jesuswan, espíritu santowan ujllachu kanku?

Biblia nin

Casi tukuy cristiano nichikojkunaqa yachachinku Dioswan, Jesuswan, espíritu santowan ujlla kasqankuta. Jinapis imatachus uj libro nisqanta qhawarina. The Encyclopædia Britannica nisqa libro nin: “Mosoj Testamentopeqa ni uj kutita rikhurinchu Trinidad palabra, nitaj sutʼinchayninpis [...]. Dioswan, Jesuswan, espíritu santowan ujlla kasqankuta yachachejkunaqa mana uj yuyayllaman chayarqankuchu. Chayrayku kay yachacheyqa pisimanta pisi rikhurerqa. Chay yachachiy rikhurisqanmantaqa ashkha watasña pasan”, nispa.

Bibliapeqa ni maypi ninchu Dioswan, Jesuswan, espíritu santowan ujlla kasqankuta. Chaypaj wakin versiculosta qhawarina.

Deuteronomio 6:4 versículo nin: “Jehová Diosninchejqa, uj kʼata Jehová Dioslla”, nispa.

Salmo 83:18 versículo nin: ‘Sutiykeqa Jehová. Tukuy jallpʼantinpi qanlla Aswan Patapi kaj Dios kanki’, nispa.

Juan 17:3 versículo nin: “Kaymin wiñay kausayqa: Qan kʼata cheqa Diosta rejsisunanku, kachamusqayki Jesucristotapis”, nispa.

1 Corintios 8:6 versículo nin: “Uj Dioslla tiyan”, nispa.

¿Imajtintaj ashkha religiones yachachinku Dioswan, Jesuswan, espíritu santowan ujlla kasqankuta chay yachachiy mana Bibliapi kajtinpis?