Sutʼinchaynin

b Mana juchachaq sunquyuq kayqa allin, chaywanpis Biblia nisqanmanjina, mana chayllatachu maskʼananchik tiyan. Pablo nirqa: “Sonqoyqa mana imamantapis juchachawanchu. Chaywampis, mana niymanchu cheqan runapuni kasqayta; Señorlla nenqa allinchus manachus ruwasqay kasqanta”, nispa (1 Corintios 4:4). Chayrayku mana yuyananchikchu tiyan qhawasqanchikmanjinalla, sunqu yuyayninchik llimphu kasqanta. Wakin runasqa —Pablojina niraq cristiano kachkaspa— cristianosta qhatiykacharqanku, Diospa munayninta ruwachkasqankuta yuyasqankurayku, chay ruwasqankumantataq sunqu yuyayninkuqa paykunata mana juchachanchu. Chayrayku, sunqu yuyayninchikqa Diospa ñawpaqinpi llimphu kanan tiyan (Hechos 23:1; 2 Timoteo 1:3).