Sutʼinchaynin

c Wakin yachayniyoj runas nisqankuman jina, chay tawa runasqa ichapis nazareo kanankuta nerqanku (Núm. 6:1-21). Chaytaqa Moisespa Leynin nisqanman jina ruwaj kanku, jinapis chay Leytaqa manaña juntʼanankuchu karqa. Pabloqa ichapis yuyarqa chay runas imatachus Diosman nisqankuta juntʼanankoqa allillan kasqanta. Chayraykutaj payqa allillanpaj qhawarqa paykunawan khuska temploman riyta, qolqetataj churapuyta. Jinapis mana yachanchejchu chay runas imatachus ruwasaj nisqankuta. Chayta juntʼaspa juchasninkumanta perdonta tarinankupaj uywa wañuchisqasta jaywananku kajtenqa, chayta Pablo mana allinpajchu qhawanman karqa. Nazareo kanankuta nejkunataj ashkha kutispi uywa wañuchisqasta jaywaj kanku. Cristo mana juchayoj kausayninta Diosman jaywasqanraykutaj, uywa wañuchisqasqa manaña valorniyojchu karqanku. Pablo imastachus ruwasqanmantaqa mana tukuy imatachu yachanchej, jinapis sonqonpa juchachasqan imasta mana ruwanmanchu karqa.