2 Crónicas
19 Chantá Judaj reynin Jehosafatqa Jerusalenpi kaj wasinman* allillan kutinporqa.+ 2 Profeta Hananijpa*+ wawan Jehuqa+ rey Jehosafatwan tinkoj rerqa, nerqataj: “¿Allinchu qanpajqa sajra runasta yanapanayki?+ ¿Allinchu Jehová Diosta chejnikojkunata munakunayki?+ Chayrayku Jehová Diosqa qanpaj phiñasqa kashan. 3 Ajinapis Diosqa sonqoykipi allin imasta tarin.+ Nacionnintinmanta yupaychana kʼullu postesta* chinkacherqanki, tukuy sonqotaj cheqa Diosta* sirvej churakorqanki”,+ nispa.
4 Jehosafatqa Jerusalenllapipuni tiyakusharqa. Chantá ujtawan nacionnintinmanta runasta waturikamorqa, Beer-Sebamantapacha, Efraín orqoskama.+ Chayta ruwarqa ñaupa tatasninkoj Diosninku Jehovaman runasta kutirichinanpaj.+ 5 Tukuy nacionnintinpi sapa llajtapi juecesta churarqa, Judaj tukuynin sumaj jarkʼachasqa llajtasninpi.+ 6 Chantá juecesta nerqa: “Juzgashaspaqa allinta qhawarikuychej, qankunaqa mana runaspa sutinpichu juzgankichej, manachayqa Jehová Diospa sutinpi. Juzgashajtiykichejqa Dios qankunawan kashan.+ 7 Jehová Diosta manchachikuychej.+ Juzgashaspaqa allinta qhawarikuychej, Jehová Diosninchejqa mana qhawakullanchu justicia mana ruwakojtenqa,+ nillataj wakillanman sayasqa kaytapis,+ ni llukʼichikuytapis”,*+ nispa.
8 Jehosafatqa Jerusalenpi ajllallarqataj wakin levitasta, sacerdotesta, Israelpi familiasmanta wakin umas kajkunatapis jueces jina Jehová Diospa sutinpi juzganankupaj, Jerusalenpi tiyakojkunaj demandasninkuta chʼuwachanankupaj.+ 9 Chantá paykunaman kamacherqa: “Kaytaqa ruwanaykichej tiyan Jehová Diosta manchachikuspa, cheqanta ruwaspa, tukuy sonqotaj. 10 Sichus waj llajtaspi tiyakoj hermanosniykichej demandawan jamunkuman wañuchinakumanta,+ uj leymanta, uj kamachiymanta, leyesmanta, manachayri juiciopi nikusqanmanta chayqa, paykunaman sutʼita reparachinaykichej tiyan Jehová Diospa ñaupaqenpi mana juchayoj rikhurinankupaj. Mana chayta ruwajtiykichejqa Diosqa qankunapaj, hermanosniykichejpajpis phiñakonqa. Chayta ruwanaykichej tiyan mana juchayoj rikhurinaykichejpaj. 11 Kaypi kuraj sacerdote* Amarías kashan, pay encargadoykichej kanqa, pay yanapasonqachej Jehová Diospa munayninta tukuy imapi reparanaykichejpaj.+ Ismaelpa wawan Zebadiastaj Judá ayllumanta* kamachej kanqa, reypa ruwanasninmantawan. Levitasqa qankunata yanapasonqachej. Wapus kaychej, ruwaj churakuychej. Jehová Diosqa allin kajta ruwajkunawan kachun”,+ nispa.