2 Crónicas
21 Chantá Jehosafatqa ñaupa tatasnin jina wañuporqa, pʼamparqankutaj maypichus ñaupa tatasninta pʼamparqanku chaypi, Davidpa Llajtanpi. Wawan Jehoramtaj paypa cuentanmanta rey jina kamachiyta qallarerqa.+ 2 Jehorampa hermanosnenqa, nisunman Jehosafatpa wawasnenqa karqanku: Azarías, Jehiel, Zacarías, Azarías, Miguel, Sefatías ima. Tukuyninku Israelpa reynin Jehosafatpa wawasnin karqanku. 3 Tatanku Jehosafatqa ashkha qori regalosta, qolqe metal regalostapis paykunaman qorqa. Qollarqataj valorniyoj imasta, Judapi sumaj jarkʼachasqa llajtastapis.+ Gobiernotataj Jehoramman+ qoporqa kuraj wawan kasqanrayku.
4 Tatanpa gobiernon Jehorampa makinpiña kashajtintaj, payqa tukuynin hermanosninta espadawan wañuracherqa,+ Israelmanta wakin kuraj kamachejkunatapis. Ajinamanta payqa gobiernonta sinchʼita sayacherqa. 5 Jehoramqa rey jina kamachiyta qallarishajtin 32 watasniyoj karqa. Payqa pusaj watata Jerusalenpi kamacherqa.+ 6 Jehoramqa Israelpa reyesninpa chakinta qhatillarqataj.+ Payqa Achabpa* warmi wawanwan casarasqanrayku+ Achabpa familian jinallataj ruwarqa. Jehoramqa Jehová Diospa qhawayninpi millay imasta ruwarqa. 7 Jehová Diostaj Davidwan tratota ruwasqanrayku+ mana munarqachu Davidpa familianta chinkarpachiyta. Diosqa Davidta nisqaña paytapis wawasnintapis wiñaypaj kamachejta saqenanta.*+
8 Jehoram kamachishajtin Edompi tiyakojkunaqa Judaj contranta oqharikorqanku,+ uj reytataj churakorqanku.+ 9 Jehoramtaj comandantesninwan, tukuynin carretasninwan ima Edomman rerqanku. Jehoramqa payta, comandantesnintawan muyuykushajtinku tutan sayarispa edomitasta atipaykorqa. 10 Edomqa kunan pʼunchaykamapis Judaj contranta oqharikushallanpuni. Chaypacha Libnapis+ Jehorampa contranta oqharikullarqataj, Jehoram ñaupa tatasninpa Diosninku Jehovata saqerparisqanrayku.+ 11 Jehoramqa ruwachillarqataj yupaychana pata lugaresta+ Judajpa orqosninpi, Jerusalenmanta runas waj dioseswan qhenchachakunankupaj.* Ajinamanta Judá nacionta Diosmanta karunchacherqa.
12 Chaypacha Jehoramman uj qhelqasqa willay chayamorqa, chaytaqa profeta Elías+ apachimorqa, chaypitaj nisharqa: “Ñaupa tatayki Davidpa Diosnin Jehovaqa kayta nisunki: ‘Qanqa mana allintachu purishanki. Mana tatayki Jehosafat jinachu purinki,+ nitaj Judaj reynin Asá jinachu.+ 13 Qanqa Israelmanta reyespa chakinkuta qhatishanki.+ Qannejta Judamanta runas, Jerusalenmanta runaspis waj dioseswan qhenchachakushanku,*+ imaynatachus Achabpa familianmanta kajkuna qhenchachakorqanku ajinata.+ Hermanosniykitapis wañuchinki,+ tataykej familianta wañuchinki, qanmanta aswan allin runas kashajtinkupis. 14 Chayrayku Jehová Diosqa jatun ñakʼariyta apachimonqa llajta masisniykiman, wawasniykiman, warmisniykiman, tukuy imasniykimanpis. 15 Tukuy laya* onqoykuna japʼisonqa, chʼunchulasniykimantapis onqoykunki, diamanta diataj chay onqoyniykeqa astawan sinchʼiyaykonqa chʼunchulasniyki jawaman llojsimunankama’, nispa”.
16 Chantá Jehová Diosqa Jehorampa contranta oqharicherqa+ filisteosta,+ arabestawan.+ Paykunaqa etiopespa qayllankupi tiyakoj kanku. 17 Paykunaqa a la fuerza Judá nacionman yaykuykorqanku. Reypa wasinpi* tukuy ima tarisqankuta apakaporqanku,+ wawasninta, warmisnintapis. Sullkʼa wawan Jehoacazllaña* qhepakorqa.+ 18 Chay qhepatataj Jehová Diosqa Jehoramta chʼunchulasninmanta onqoykucherqa, mana sanoyaj onqoywan.+ 19 Tiemponmantaj, iskay wataña juntʼakojtin, onqoyninrayku chʼunchulasnenqa jawaman llojsirpamorqanku. Jehoramqa chay onqoywan mayta ñakʼarispa wañuporqa. Llajta masisnintaj mana paypaj ninata lauracherqankuchu ñaupa tatasninpaj jinaqa.+ 20 Jehoramqa 32 watasniyoj kashaspa rey karqa, Jerusalenpitaj pusaj watasta kamacherqa. Wañupusqanmantaqa ni pipis waqarqachu. Paytaqa pʼamparqanku Davidpa Llajtanpi,+ jinapis mana reyespa sepulturasninkupichu.+