Tapuykuna

◼ ¿Imaynasmantá precursoresta yanapasunman?

Tukuy Jallpʼantinpi kay 2009 watapi, yaqha pusaq waranqa hermanas, hermanos precursores regularesjina, especialesjina llamkʼarqanku. Kay hermanosqa tukuy tiemponkuta, kallpankuta, kapuyninkuta ima churanku, Diospa Reinonmanta willamunankupaq (Pro. 3:9). Chayta ruwasqankumanta, ¡maytachá Jehová kusikun! ¿Ñuqanchikrí? ¿Jinallataqchu yuyanchik? ¿Imaynatá precursoresta kusisqallapuni willamunankupaq yanapasunman?

Qallarinapaqqa, precursoresjina llamkʼamunallankupaqpuni, allin parlayninchikwan kallpachasunman (Pro. 25:11). Chantá, semanapi paykunawan willamunapaq tiempochakusunman. Autonpi rinanchikmantaqa, autonchikpi paywan riyta atisunman. Autonpi rispataq, ichá machkhallawanpis yanapayta atisunman (1 Cor. 13:5; Fili. 2:4). Chantapis precursoresta yanapanapaq, munakuyninchikta rikuchinapaq ima, ichá wasinchikman imallatapis mikhurinapaq waqyarisunman (1 Ped. 4:8, 9).

Bibliaqa nin: Jehovaqa Diospa Reinonta ñawpaqman churaqkunaman ni imatapis pisiyachinanta (Sal. 37:25; Mat. 6:33). Jehová Diosqa, munakuq llaqtanniqta yanapawanchik (1 Juan 3:16-18). Precursoresqa, mana suyankuchu wakkuna paykunapaq llamkʼapunankutaqa. Chaywanpis ichá pisiyachikusqankumanta mana willakunkuchu. Chayrayku allin kanman ñuqanchik waturinanchik, reparananchikpaq, imapichus yanapayta atisqanchikta “pisichikojkunaman jaywariyta” atinankichikpaq ima (2 Cor. 8:14, 15).

Ñawpa siglopi, Cencreas qutuchakuymanta, may kʼajaywan willaq Febe, Romaman richkaptin, Pablo Romamanta hermanosta jinata nirqa: “Rejsichiykichej [...] Señorpa sutimpi imaynatachus creejkuna ruwayta yachanku, ajinata payta wajyarikuychej. Imamanta pisichikojtimpis, chaywampis payta yanapaychej”, nispa (Rom. 16:1, 2). Kikillantataq ñuqanchikpis, qutuchakuymanta precursores regularesta, especialesta ima, munakuyninchikta rikuchiyta atinchik (Hech. 5:42).