Suqta kaq yachachiy: lantisniqta Diosta yupaychayqa allin

¿Imaynatá kay yachachiy rikhurirqa?

“Ñawpa cristianosqa, Diosta yupaychanankupaq mana lantisniqtachu Diosta yupaychaq kanku [...]. Tawa kaq, phichqa kaq siglollapiraq, Iglesiapi kamachiqkunaqa, mana ancha yachayniyuqkuna librosniqta Diosmanta yachakunankumantaqa, lantisniqta astawan usqhayta yachakunankuta yuyaspa, Iglesiaspi lantista apaykachakunanta saqirqanku.” (Cyclopedia of Biblical, Theological, and Ecclesiastical Literature, de McClintock y Strong.)

¿Imatá Biblia yachachin?

“Ama ni ima lantita ruwakunkichu, ni cielopi kajman rijchʼakojta, ni kay pachapi kajman rijchʼakojta, nitaj yakuspi kajman rijchʼakojtapis. Ama qonqorikunkichu chaykunaman, amataj yupaychankichu.” (Éxodo 20:4, 5.) Chantá ñawpa siglopiqa, apóstol Juan cristianosman nirqa: “Wawitasníy, lantismanta waqaychakuychej”, nispa (1 Juan 5:21).

Achkha religionesqa, Jesusman rikchʼakuq chayri Mariaman rikchʼakuq ruwasqa lantita, mana yupaychasqankutachu ninku, manaqa, chayniqta Jesusman chayri Mariaman qayllaykusqankuta ninku. Chay nisqanku, ¿chiqachu? Juk enciclopedia nisqanmanjina, “qallariypiqa juk lugarta kʼachanchanallapaq chayri astawan sutʼita Diosmanta yachachinallapaq lantista apaykachachkasqankuta niq kanku. Chaywanpis, pisi tiempoman lantista yupaychachkasqanku sutʼi rikukurqa. Chaytaq Iglesia Ortodoxa Oriental nisqapi astawan sutʼi rikukurqa” (The Encyclopedia of Religion). Chaywanpis, ¿ima lantipis Diosman rikchʼakunmanchu? Mana, chayrayku profeta Isaías nirqa: “Pimantaj qankunaqa Diosta rijchʼachinkichejri? Chayrí ima lantimantaj rijchʼachinkichejri?”, nispa (Isaías 40:18).

Kay pʼitikunap nisqanpi tʼukuriy: Isaías 44:13-19; Hechos 10:25, 26; 17:29; 2 Corintios 5:6, 7.