7. 1) ¿Imatá Ana Diosman qonanta nerqa, chantá imaraykú? 2) ¿Jehová Anaj mañakuyninta uyarerqachu? 3) ¿Imataj ninayarqa Samuelpaj imatachus Diosman qonanta maman nisqan? (Sutʼinchayninta qhawariy).

⁷ Anapis sinchʼi llakiypi kashaspa imatachus Jehovaman qonanta nerqa. Payqa may llakisqa kasharqa mana wawayoj kayta atisqanmanta, asipayasqankuta aguantanan kasqanmanta, pisipaj qhawasqa kasqanmanta ima (1 Sam. 1:4-7, 10, 16). Anaqa Jehovaman willakorqa imaynachus kashasqanta, chantataj nerqa: “Tukuy Atiyniyoj Tata Dios, sichus qan qhawariwaj kay kamachiykej llakiyninta, sitajchus noqamanta yuyarikuspa uj wawata qowanki chayqa, noqa chay wawataqa qopusqayki tukuy kawsaynimpi kamachiyki kanampaj, manataj jaykʼajpis chujchasnin kʼutusqachu kanqa”, nispa (1 Sam. 1:11).a Jehovaqa Anaj mañakuyninta uyarerqa, watanmantaj qhari wawitayoj karqa. Chay wawitanmantaj Samuel sutita churarqa. Anaqa may kusisqa kasharqa, jinapis mana qonqaporqachu Diosman nisqanta. Chayrayku wawitan nacekojtin, nerqa: “Kaytaqa Tata Diosmanta mañakorqani”, nispa (1 Sam. 1:20).