• ‘Jehovaqa manchay atiyniyoj’
    Jehovaman qayllaykuna

    • 15. 1) ¿Imawantaj Jehová sapa ujta yanapawanchej? 2) ¿Imaynatá Jehová Eliasta kallpacharqa?

      15 Jehovaqa atiyninwan sapa ujta yanapallawanchejtaj. 2 Crónicas 16:9 nin: “Jehová Diospa ñawisnenqa jallpʼantinta qhawamushan, payta tukuy sonqo sirvejkunata yanapananpaj”, nispa. Chaytataj Eliaspa rikusqasnin sutʼinchawanchej. ¿Imajtintaj Jehová Eliasman may jatun atiyninta rikucherqa? Sajra reina Jezabelqa wañuchinanta jurarqa, chayrayku Eliasqa ayqerqa. Eliasqa yuyarqa tukuy ima ruwasqan qhasipaj kasqanta. Chayrayku sapayakorqa, manchachikorqa, llakikorqataj. Jehovataj atiyninta rikuchispa Eliasta kallpacharqa. Elías wayrata, jallpʼa kharkatisqanta, ninata ima rikuspa, tukuy atiyniyoj Dios paywan kashasqanta yacharqa. Chayrayku manaña Jezabelta manchachikorqachu (1 Reyes 19:1-12).b

  • ‘Jehovaqa manchay atiyniyoj’
    Jehovaman qayllaykuna

    • b Biblia nisqanman jina, Jehovaqa mana “wayra ukhupichu kasharqa”, mana “jallpʼa kharkatiypichu kasharqa”, nitaj “laurashaj ninapichu kasharqa”. Wakenqa intita, killata, jallpʼata chayri waj imasta yupaychanku. Jehovaj kamachisnintajrí mana paykuna jinachu ruwanku. Paykunaqa yachanku Jehová may jatun kasqanta, tukuy ruwasqasninmantataj aswan patapi kasqanta (1 Reyes 8:27).