• ¿Cheqamantapunichu ‘Diosman qayllaykusunman’?
    Jehovaman qayllaykuna

    • 3. ¿Imapajtaj Jehová wajyariwanchej?

      3 Jehovaqa amigosnin kananchejta munasqanrayku payman qayllaykunapaj wajyariwanchej. Payman qayllaykojtinchejtaj, paypis qayllaykamunawanchejta niwanchej. Jinamanta Jehovaj sumaj ‘amigosninman’ tukusun (Salmo 25:14). Piwanpis sumaj amigos kaspaqa imamantapis paywan sumajta parlarikunchej, nitaj waj runawanqa jinata parlarikusunmanchu.

      4. 1) ¿Imaynataj uj sumaj amigo? 2) ¿Imayna amigotaj Jehová?

      4 ¿Atienekunaykipaj jina uj amigo kapusunkichu? Chay amigoykeqa qanmanta maytachá llakikun. Qantaj paypi atienekunki ni jaykʼaj wasanchasusqanrayku. Kusisqa kasqaykita payman willarispaqa kusisqa kanki, llakiyniykita willarikojtiykipis llakiyniykeqa pisiyan. Payllataj allinta entiendesunki. Dioswanpis kikillantaj. Payman qayllaykuspaqa amigonchejta jina qhawanchej, imaraykuchus paypajqa valorniyoj kanchej, chantapis payqa llakikuwanchej, entiendewanchejtaj (Salmo 103:14; 1 Pedro 5:7). Jehovaman tukuy imata willakunchej, imaraykuchus yachanchej payqa ni jaykʼaj wasanchanawanchejta (Salmo 18:25). Jehovamanqa qayllaykunchej, pay qayllaykunapaj yanapawasqanchejrayku.