LECCIÓN 51
Jehovata kusichinapaj jina parlana
Parlayta atisqanchejqa Jehová Diospa regalon. Chayrayku payqa munan allintapuni parlananchejta (Santiago 1:26 leey). Kaypi yachakusun Jehovata kusichinapaj jinapuni parlana kasqanta.
1. ¿Imaynataj parlayninchej kanan tiyan?
Biblia nin: “Qankunapura sonqochanakullaychejpuni, kallpachanakuychejtaj”, nispa (1 Tesalonicenses 5:11). Pillapis kallpacharinata necesitan chay, ¿imatataj nisunman? Kallpacharinapajqa mayta munakusqanchejta, may kʼacha kasqantataj nisunman. Chantapis kallpacharinapaj jina Bibliapi ashkha versículos tiyan, chaymanta mayqellantapis leeripusunman. Jinapis sumajta piensarina imaynatachus ninapi, imatachus ninapipis. Chantá munakuywan, kʼachallamantataj kallpacharina (Proverbios 15:1).
2. ¿Imatataj mana parlanallachu tiyan?
Biblia nin: “Ama simiykichejmantaqa ima millay parlaypis llojsichunchu”, nispa (Efesios 4:29 leey). Chaywan nishawanchej mana millay palabrasta parlanata, mana sonqota nanachinapaj jinachu, nitaj kʼumuykachachinapaj jinachu parlanata. Chantapis ama cuento qʼepi kanachu, nitaj wajkunamantapis llullasta parlanachu (Proverbios 16:28 leey).
3. ¿Imastaj yanapawasunman allin imasmantapuni parlanapaj?
Imachus sonqonchejpi kasqan, imatachus yuyasqanchejpis parlasqanchejpi yachakun (Lucas 6:45). Allin imasmantapuni parlanapajqa kay imaspi piensarina: cheqan kajpi, llimphu kajpi, kʼacha imaspi, jatunchanapaj jina imaspi (Filipenses 4:8). Chay allin imaspi piensanapajqa allinta ajllana imawanchus kusirikusqanchejta, pikunawanchus masichakusqanchejta (Proverbios 13:20). Chantá niraj imatapis nishaspa ñaupajta piensarinanchej tiyan imatachus nisqanchej wajkunata yanapananpichus manachus. Biblia nin: “Mana allinta yuyaychakuspa parlarpareyqa espadaj tʼojsisqan jina. Yachayniyoj runaj parlasqantaj sanoyachin”, nispa (Proverbios 12:18).
ASTAWAN YACHAKUNA
Kaypi yachakusun Jehovata kusichinapaj jina, wajkunata kallpachanapaj jinataj parlana kasqanta.
4. Ama imatapis parlarpanallachu
Imatapis parlarparillanchej chayqa, “amallapis chayta niymanchu karqa” nispa arrepientekunchej (Santiago 3:2). Gálatas 5:22, 23 leeriychej, chantá yachakojta tapuriy:
Kay leerisqanchejmanta, ¿mayqenta ruwanaykipajtaj Jehovamanta yanapata mañakuwaj? ¿Imaraykutaj chaypi yanapasunanta mañakuwaj?
1 Corintios 15:33 leeriychej, chantá yachakojta tapuriy:
Imawanchus kusirikusqanchej, imaynatachus amigosninchej parlasqanku, ¿chimpaykuwasunmanchu?
Mana allinta qhawarikojtinchej, ¿pikuna jinataj parlayta qallarisunman?
Eclesiastés 3:1, 7 leeriychej, chantá yachakojta tapuriy:
¿Ima kutispitaj allin kanman chʼinlla kananchej chayri parlanapaj tumpata suyarinanchej?
5. Wajkunamanta sumajta parlana
Sumajta qhawarikuna parlasqanchejwan mana wajkunaj sonqonkuta nanachinapaj. VIDEOTA qhawariychej, chantá yachakojta tapuriy.
Videopi rikorqanchej chay hermano, ¿imaraykutaj cambiayta munarqa?
¿Imatá ruwarqa cambiananpaj?
Eclesiastés 7:16 leeriychej, chantá yachakojta tapuriy:
Niraj pimantapis sajrata parlashaspa, ¿imapitaj ñaupajta piensarina kanman?
Eclesiastés 7:21, 22 leeriychej, chantá yachakojta tapuriy:
Kay versículos nisqanman jina, ¿imatataj mana ruwanachu kasqa pillapis noqanchejmanta mana allintachu parlajtin?
6. Familianchejwan kʼachamanta parlarina
Jehovaqa munan familianchejwan munakuywan, kʼachamantataj parlarinanchejta. VIDEOTA qhawariychej, chantá yachakojta tapuriy.
¿Imataj familiasta yanapanman kʼachamanta parlanakunankupaj?
Efesios 4:31, 32 leeriychej, chantá yachakojta tapuriy:
¿Imaynataj parlayninchej kanan tiyan familiapi kusisqa kausakunapaj?
Jehovaqa Wawan Jesusta munakusqanta nerqa. Mateo 17:5 leeriychej, chantá yachakojta tapuriy:
¿Imaynatá qanpis Jehová jina ruwawaj familiaykiwan parlarishaspa?
Wajkunata allinta ruwasqankuta ninapuni.
WAKIN RUNAS NINKU: “Noqaqa yuyasqallayta nini. Paykunaman mana gustan chayqa, paykunamantaña”, nispa.
¿Ajinata yuyay allinchu kanman? ¿Imaraykú chayta ninki?
¿IMASTÁ YACHAKUNCHEJ?
Kaypi yachakunchej parlasqanchejwan kallpachayta chayri llakichiyta atisqanchejta. Chayrayku sumajta piensarina imatachus ninapi, maykʼajchus, imaynatachus ninapipis.
Yuyarikunapaj
¿Imatataj ruwasunman wajkunata kallpachanapaj jina parlanapaj?
¿Imastataj mana parlanallachu tiyan?
¿Imastaj yanapawasun kʼachamanta, allin imasmantataj parlanapaj?
ASTAWAN YACHAKUNAYKIPAJ
¿Imataj yanapawasunman allin imasmantapuni parlanapaj? Chayta yachanaykipaj kay videota qhawariy.
¿Imataj yanapawasunman mana millay palabrasta parlanapaj? Chayta yachanaykipaj kayta leeriy.
¿Imatá ruwasunman mana cuento qʼepis kanapaj? Chayta yachanaykipaj kay videota qhawariy.
¿Imataj uj runata yanaparqa manaña millay imasta parlananpaj? Chayta yachanaykipaj kayta leeriy.
“Kausayniypi allinta tʼukuriyta qallarerqani” (Torremanta Qhawaj, 1 de agosto de 2013)