• Sumaj willaykuna tukuynejpi willakushan
    Wiñaypaj kusisqa kausakuy. Bibliata estudiay
    • Lección 21. Uj llajtapi iskay hermanas carritowan predicashaspa uj runawan parlarishanku.

      LECCIÓN 21

      Sumaj willaykuna tukuynejpi willakushan

      Jehová Diosqa tumpamantawan jallpʼantinmanta tukuy llakiykunata chinkachenqa Gobiernonnejta. Chay sumaj willaytaqa tukuyman willananchej tiyan. Jesuspis discipulosninman kamacherqa chayta willamunankuta (Mateo 28:19, 20). Kaypi yachakusun Jehovaj testigosnin chayta kasukunaykupaj imastachus ruwashasqaykuta.

      1. Mateo 24:14 versiculopi nisqan, ¿kay tiempopi juntʼakushanchu?

      Jesús nerqa: “Diospa Gobiernonmanta sumaj willaykunapis jallpʼantinpi willakonqa”, nispa (Mateo 24:14). Chay nisqantaj juntʼakushan. Chay sumaj willaykunataqa Jehovaj testigosnin jallpʼantinpi willashayku. Willaykutaj 1.000 kuraj parlaykunapi. Chayta ruwanaykupaj mayta kallpachakuyku, sumajtataj wakichikuyku. Chaytaj ruwakun Jehovaj yanapaynillanwan.

      2. ¿Imaynasmantá runasman predicayku?

      Ñaupa tiempomanta cristianos jina “wasimanta wasi” willayku (Hechos 5:42). Ajinata ruwaspaqa ashkha runasman Diosmanta willariyku. Wakin kutis runasta wasinkupi mana tariyta atillaykuchu. Jinapis maypichus ashkha runas kanku chaypi predicayku. Runasmanqa maypi kashaspapis willariykupuni Jehovamanta, imatachus ruwananmanta ima.

      3. ¿Pikunataj predicananku tiyan?

      Sumaj willaykunataqa tukuy cheqa cristianos predicananku tiyan. Jehovaj testigosnintaj chayta ruwanaykupaj maytapuni kallpachakuyku. Atisqaykuman jina predicayku runas salvakunankuta munasqaykurayku (1 Timoteo 4:16 leey). Chayta ruwanaykupajqa mana pagachikuykuchu, imaraykuchus Biblia nin: “Mana pagaspalla japʼerqankichej, qoshaspaqa amallataj pagachikuychejchu”, nispa (Mateo 10:7, 8). Mana tukuy runaschu uyariwajtiykupis predicallaykupuni. Chayta ruwaspaqa Jehovata kasukuyku, kusichiykutaj.

      ASTAWAN YACHAKUNA

      Kaypi yachakusun Jehovaj testigosnin mundontinpi predicashasqaykuta, imaynatachus Jehová yanapashawasqaykutapis.

      A) Costa Ricapi iskay testigos uj runaman predicashanku. B) Estados Unidospi iskay qhawariwarmis pescadota japʼejkunaman predicashanku. C) Beninpi iskay testigos uj runaman predicashanku. D) Tailandiapi barcopi vendej warmiman uj hermana predicashan. E) Yap nisqa lugarpi iskay testigos uj warmiman predicashanku uj jatun muyu rumi chaypi. F) Sueciapi iskay testigos uj warmiman predicashanku uj mayu kantupi.

      Tukuynejpi predicashayku: A) Costa Rica, B) Estados Unidos, C) Benín, D) Tailandia, E) Yap (Micronesia), F) Suecia.

      4. Tukuy runasman predicanaykupaj kallpachakuyku

      Jehovaj testigosnenqa maypi kashaspapis, tukuy runasman predicanaykupaj mayta kallpachakuyku. VIDEOTA qhawariychej, chantá yachakojta tapuriy:

      VIDEO: Kay jallpʼaj tukuy kʼuchusnintinpi predicayku (7:33)

      • ¿Jehovaj testigosnin imasta ruwasqankutaj tʼukuchisunki?

      Mateo 22:39; Romanos 10:13-15 leeriychej, chantá yachakojta tapuriy:

      • ¿Imaraykutaj Jehovaj testigosnin predicaj kasqayku?

      • ¿Predicajkunata Jehová Dios allinpajchu qhawan? (15 versiculota qhawariy).

      5. Dioswan khuska llankʼayku

      Ashkha runasman chayanaykupaj Jehová Dios yanapashawasqaykuta reparayku. Nueva Zelandapi uj hermano predicasqanmanta parlarina. Hermanonchej Paul uj tarde wasimanta wasi willarishasqa, chaypitaj uj señorata tarisqa. Chay señoraqa chay diallataj Diospa sutinta oqharispa mañakusqa, pillapis Diosmanta yacharichinanta. Chay mañakusqanmanta kinsa horanmantaj hermanonchej Paul chay señoraj wasinman chayasqa.

      1 Corintios 3:9 leeriychej, chantá yachakojta tapuriy:

      • ¿Jehová Diospunichu runasman willanaykupaj yanapashawaykuman?

      Hechos 1:8 leeriychej, chantá yachakojta tapuriy:

      • ¿Imaraykutaj Jehovaj yanapayninta necesitanchej runasman willamunapaj?

      Astawan yachanaykipaj

      Chaupi semana tantakuyniykupi yachachikun imaynatachus runasman predicanata. Chay tantakuyniykuman rerqankiña chay, ¿imataj astawan gustasorqa Jehová ajinata wakichiwasqaykumanta?

      Iskay hermanas salonpi rikuchishanku imaynatachus predicanata.

      6. Diosta kasukusqaykurayku predicayku

      Ñaupa tiempopi cristianostaqa enemigosninku jarkʼayta munarqanku niña predicanankupaj. Jinapis paykunaqa leymanta valekuspa sumaj willaykunata willallarqankupuni (Filipenses 1:7). Kay tiempopipis Jehovaj testigosnenqa kikillantataj ruwayku.a

      VIDEOTA qhawariychej.

      VIDEO: Sumaj willaykunata willanaykupaj leymanta valekuyku (2:28)

      Hechos 5:27-42 leeriychej, chantá yachakojta tapuriy:

      ICHÁ WAKIN TAPUSONQANKU: “¿Imaraykutaj Jehovaj testigosnin wasimanta wasi predicanku?”, nispa.

      • Ajinata tapusojkunaman, ¿imatá kutichiwaj?

      ¿IMASTÁ YACHAKUNCHEJ?

      Kaypi yachakunchej Jesusqa runasman willamunata kamachiwasqanchejta. Yachakullanchejtaj tukuynejpi willamunallapajpuni Jehová yanapawasqanchejta.

      Yuyarikunapaj

      • ¿Imaynasmantá runasman willayku?

      • ¿Imaraykutaj Jehovaj testigosnin predicayku?

      • ¿Runasman sumaj willaykunata predicay kusichiwasunmanchu? ¿Imaraykú chayta ninki?

      Tarea

      ASTAWAN YACHAKUNAYKIPAJ

      ¿Imaynatataj jatuchaj llajtaspi predicayku? Chayta yachanaykipaj kay videota qhawariy.

      París llajtapi carritoswan predicanku (5:11)

      Suyunkumanta ayqekamoj runasman, ¿testigos willankuchu? Chayta yachanaykipaj kay videota qhawariy.

      Suyunkumanta ayqekamojkunaman Bibliamanta yachachiyku (5:59)

      Uj hermana tukuy atisqanta predicaspa kusisqa kasqanta nin. Paymanta astawan yachanaykipaj kay videota qhawariy.

      Uj sumaj viaje (6:29)

      Jehovaj testigosnenqa tribunalespi atipanku predicanallankupajpuni. Chaymanta astawan yachanaykipaj kayta leeriy.

      “Reinomanta willajkuna tribunalesman chayanku” (Diospa Reinonqa kamachishanña, 13 yachaqana)

      a Jehová Dios kamachiwanchej runasman willamunata. Chayrayku Jehovaj testigosnenqa predicanaykupaj mana autoridadesmantarajchu permisota mañakuyku.

  • Diospa Gobiernonqa kamachishanña
    Wiñaypaj kusisqa kausakuy. Bibliata estudiay

    • 5. Kausayqa 1914 watamantapacha uj jinaman tukun

      VIDEOTA qhawariychej.

      VIDEO: 1914 watamantapacha kay mundoqa uj jinaman tukun (1:10)

      Jesusqa nerqa kamachiyta qallarejtin imaynachus kausay kananta. Lucas 21:9-11 leeriychej, chantá yachakojta tapuriy:

      • Kaypi nisqanmanta, ¿mayqenkunatataj juntʼakojta rikorqanki chayri uyarerqanki?

      Apóstol Pabloqa kay mundomanta gobiernospa kamachiynin tukukushajtin, imaynachus runas kanankuta nerqa. 2 Timoteo 3:1-5 leeriychej, chantá yachakojta tapuriy:

      • ¿Kay versiculospi nisqanman jinachu kay tiempo runas kanku?

      Imaschus qhepa pʼunchaykunapi kananmanta dibujos: 1) Uj soldado makisninta oqharispa qhaparishan. 2) Terremoto pasasqantawan wasis thuñisqa kashanku. 3) Militarespa avionesninku kashan. 4) Runas barbijosniyoj callepi purishanku. 5) Nueva Yorkpi Torres Gemelas nisqa qʼolaykushan sajra runas ruphaykuchisqankurayku. 6) Uj runa drogakushan. 7) Uj runa warminta qhapariykushan maqayta munaj jina. 8) Drogas, waj machachej ujyanas ima kashan. 9) Iskay warmis sumaj ropasniyoj fotota orqhokushanku. 10) Ashkha runas fiestapi tusushanku. 11) Marchata ruwaj runa uj dinamitata choqashan.

      6. Diospa Gobiernon kamachishasqanpi creesqaykita rikuchiy

      Mateo 24:3, 14 leeriychej, chantá yachakojta tapuriy:

      • ¿Ima señaltaj rikuchiwanchej Diospa Gobiernon kamachishasqantaña?

      • ¿Imatataj ruwawaj kay profecía juntʼakusqanpi qanpis yanapakunaykipaj?

      Diospa Gobiernonqa cielopi kamachishanña. Pisimantawantaj kay jallpʼata kamachimonqa. Hebreos 10:24, 25 leeriychej, chantá yachakojta tapuriy:

      • ¿Imatataj ruwananchej tiyan “Diospa pʼunchaynin qayllaykamushasqanta reparaspa”?

      Dibujos: 1) Bibliamanta yachakoj Jehovaj testigosninpa tantakuyninkupi kashan. 2) Payllataj uj rejsisqanman predicashan.

      Runas salvakunankupaj imatachus ruwanankuta yachaspa, ¿paykunaman willawajchu?