Jesús atiyninta rikuchisqanqa creeyninchejta kallpachan

9:1-7

Uj pacha, Jesusqa yachachisqasninpa ñaupaqenkupi uj jina rijchʼayniyojman tukorqa, ropanpis uyanpis lliphipirerqa. Diostaj payta allinpaj qhawasqanta nerqa. Chayta uyarispa, Jesusqa maytachá kallpachakorqa jamoj ñakʼariykunata aguantananpaj. Chay kutipi imastachus rikusqankoqa, Pedrota, Santiagota, Juantawan mayta kallpachallarqataj. Paykunaqa yacharqanku Jesús Mesiaspuni kasqanta, paypa qhepanta rispataj allinta ruwashasqankuta. Chaymanta 32 watanman jina, apóstol Pedroqa imastachus rikusqanta yuyarikullarqapuni. Chaytaj Diospa nisqasnin juntʼakusqanpipuni atienekunanpaj yanaparqa (2Pe 1:16-19).

Noqanchejqa mana Jesusta lliphipirishajta rikorqanchejchu. Jinapis imaynatachus Jesús atiyninta rikuchishasqanta rikushanchej. Payqa may atiyniyoj Rey jina gobernashanña. Pisimantawantaj tukuy enemigosninta atipanqa, mosoj kausaytataj sayarichenqa (Ap 6:2).

Bibliaj nisqasnin juntʼakusqanta rikuspa, ¿creeyniyki kallpachakunchu?