• ‘Chaypaq kachamusqa kani’
    ‘Qhipayta jamuy’

    • 5. ¿Imatá Jesús Jallpʼapi ruwanan karqa, imatataq kay yachaqanapi yachasunchik?

      5 Juk kuti Jesús nirqa: “Wajkunamampis Diospa Reinonmanta evangeliota willamunallaytaj tiyan, imaraykuchus chaypaj kachamusqa kani”, nispa (Lucas 4:43). Arí, Jesusqa Diospa Reinonmanta willananpaq, yachachinanpaq ima, kachamusqa karqa.b Kunanpis cristianosqa chayllatataq ruwananchik tiyan. Chayrayku, imaraykuchus, imatachus, imayna sunquwanchus Jesús willasqanta, sumaqta yachananchik tiyan.

  • ‘Chaypaq kachamusqa kani’
    ‘Qhipayta jamuy’

    • a Chay warmiqa imaptintaq juk judío juk samaritanata parlan nispaqa, unaymantaña samaritanoswan judioswan chiqninakusqankuta rikuchichkarqa (Juan 4:9). Chantapis, Jacobpa miraynin samaritanos kasqankuta nirqa, judiostaq chay nisqantaqa qhisachanku (Juan 4:12). Judiosqa samaritanosta Cuteos nispa sutichaq kanku, wak llaqtamanta kasqankuta sutʼita rikuchinankupaq.

      b Willayqa, Diospa nisqanta riqsichiy, niyta munan. Yachachiytaq, mana chayllachu, manaqa aswan sumaqmanta yachasqanchikta sutʼinchay niyta munan. Allinta yachachinapaqqa, imaynatachus runap sunqunman chayasunman chayta maskʼananchik tiyan, jinamanta yachakuqqa yachakusqanmanjina kawsakunanpaq.

  • ‘Chaypaq kachamusqa kani’
    ‘Qhipayta jamuy’

    • ¿Imatataq yachachirqa?

      10, 11. a) ¿Imatataq Jesús willarqa? b) ¿Imatataq Diospa Reinon ruwanqa?

      10 ¿Imamantá Jesús yachachirqa? Religionkunaqa, Jesús runata politicawan kawsayninta allinchananta, chayri sapa juk salvakunanta willarqa, nispa ninku. Mana chayman jinataq Jesusqa sutʼimanta nirqa: ‘Diospa Reinonmanta evangeliota willamunay tiyan”, nispa. ¿Imaynatá chayta willanan karqa?

      11 Yuyarina, Supay Diospa kamachiq kayninwan churanakuchkaptin, Diospa Churinqa janaqpachapi kachkarqa. ¡Maytachá chayta rikuspa llakikurqa! Adán Evawan Supayta kasukuchkaptinku, ¡maytachá sunqun nanarqa! Imaynatachus, paykunap juchan, runata wañuyman tanqasqanta rikurqa (Romanos 5:12). Chaywanpis, Tatan Reinonnipta juk pʼunchay tukuy imata allinchananta yachaspa, maytachá kusikurqa.

      12, 13. ¿Imatataq Diospa Reinon allinchanqa? ¿Imaynatá Jesús Diospa Reinonmanta willarqa?

      12 ¿Imatataq ñawpaqta allinchakunan karqa? Kuraq Supay, supaykuna ima, Diospa sutinta llullakuspa chʼichichasqankuta, sumaqta llimphuchakunan karqa. Jinallatataq, Jehová sumaq Kamachiq kasqanta —imaynatachus kamachisqanta— tukuyman rikuchikunan karqa. Jesusqa mayqin runamantapis astawanraq chayta ruwakunanta yacharqa. Chayrayku, discipulosninman Diosmanta mañakuyta yachachichkaptin, Tatanpa sutin llimphuchasqa kananta, Tatanpa Reinon jamunanta, Tatanpa munaynin Jallpʼapi ruwakunanta ima, mañakunankuta yachachirqa (Mateo 6:9, 10). Tumpamantawan Jesusqa Diospa Reinonniqta, Supaypa saqra pachanta Jallpʼamanta chinkachinqa, Jehovap Kamachiynintataq wiñaypaq sayachinqa (Daniel 2:44).

      13 Jesusqa chay Reinomanta runaman willarqa. Tukuy parlasqanwan, ruwasqanwan ima, chay Reinomanta sutʼincharqa, Diospa munaynintaq imaynatachus juntʼakunanta rikuchirqa. Diospa Reinonmanta willasqanta, mana imapis pantachirqachu. Jina kaptinqa, ¿nisunmanchu Jesús yachachisqan qʼayma kasqanta? Mana, payqa miskʼita yachachirqa.