• “Macedoniaman jamuy”
    ‘Diospa Gobiernonmanta allinta sutʼinchana’

    • 16. Pablowan Silaswan seqʼosqa kasqankumanta qʼayantin paqarin, ¿imataj karqa?

      16 Pablota, Silastawan maqaykusqankumanta qʼayantin paqarin, llajtata kamachejkunaqa kamacherqanku paykunata kacharipunankuta. Jinapis Pabloqa nerqa: “Noqaykutaqa romanos kashajtiyku mana juchachaspalla tukuypa ñaupaqenpi seqʼochiwayku, carcelmantaj wisqʼaykuwayku. Kunanqa, ¿pakayllamantachu kacharipushawayku? ¡Mana jinachu kanqa! Paykuna kikin jamuchunku orqhonawaykupaj”, nispa. Kamachejkunataj Pablowan Silaswan romanos kasqankuta yachaspa mayta mancharikorqanku, imaraykuchus paykunaj derechosninkuta sarorqanku.d Chayrayku tukuy ima chay kamachejkunaj contranpi kasharqa. Paykunaqa Pablotawan Silastawan runaspa ñaupaqenpi seqʼocherqanku, chayraykutaj runaspa ñaupaqellanpitaj disculpakunanku karqa. Chantá mayta mañakorqanku Filiposmanta ripunankuta. Pablowan Silaswantaj ripunankuta nerqanku, jinapis ñaupajtaqa mosoj hermanosta kallpacharejraj rerqanku.