-
“Uyariwaychej”‘Diospa Gobiernonmanta allinta sutʼinchana’
-
-
17 Chaypi kajkunamanta wakenqa Pablota laqʼaj runapaj phiñakunankumantaqa, Pablopaj phiñakorqanku chay jinata kutichikusqanrayku. Paykuna nerqanku: “¿Diospa kuraj kaj sacerdotenwanchu ajinata siminakushanki?”, nispa. Pabloqa kʼumuykukoj sonqo kasqanta, Leytapis jatunpaj qhawasqanta rikuchinanpaj nerqa: “Hermanosníy, mana yacharqanichu payqa kuraj kaj sacerdote kasqanta, qhelqasqa kashan: ‘Ama sajrata rimankichu llajtaykipi kamachejpajqa’, nispa” (Hech. 23:4, 5; Éxo. 22:28).d Chantá Pabloqa waj jinamantañataj paykunawan parlarqa. Payqa yacharqa Jatun Juntamanta kajkuna wakin fariseos kasqankuta, wakintaj saduceos. Chayrayku nerqa: “Hermanosníy, noqaqa fariseo kani, fariseospa wawan. Noqataqa wañusqas kausarimunankuta suyakusqayrayku juzgashawanku”, nispa (Hech. 23:6).
-
-
“Uyariwaychej”‘Diospa Gobiernonmanta allinta sutʼinchana’
-
-
d ¿Imaraykutaj Pablo mana yacharqachu pichus siminpi laqʼacherqa chay kuraj kaj sacerdote kasqanta? Ichapis ashkha imasrayku. Wakin yachayniyoj runas nisqankuman jina, ichapis payqa chharputa qhawaj. Chayri ichá ashkha watastaña mana Jerusalenpichu kasqanrayku mana yacharqachu pichus chay kuti kuraj kaj sacerdote kasqanta. Manachayrí ichapis ashkha runas kasqankurayku mana rikorqachu pichus siminpi laqʼananta kamachisqanta.
-