• “César juzganawanta munani”
    ‘Diospa Gobiernonmanta allinta sutʼinchana’

    • 5. ¿Imaynatá Festo Pablota juzgarqa?

      5 Festoqa uj mashkha diasninman, Cesareapiña kashaspa “juzgana tiyanapi ” tiyaykukorqa.b Paypa ñaupaqenpitaj kasharqanku Pablo, payta tumpaykoj judíos ima. Pabloqa qhasillamanta tumpaykusqankuta uyariytawan nerqa: “Noqaqa mana ima juchatapis ruwanichu judiospa Leyninkoj contranta, nitaj temploj contranta, nillataj Cesarpa contrantapis”, nispa. Pabloqa mana ima juchayojpischu karqa, chayraykutaj kacharipunanku karqa. Chanta, ¿ima nerqataj kamachej Festo? Payqa judioswan allinpaj qhawachikuyta munaspa Pablota taporqa: “¿Munawajchu Jerusalenman riyta, chaypitaj kay imasmanta ñaupaqeypi juzgasqa kayta?”, nispa (Hech. 25:6-9). Chayta nisqanqa nipuni allinchu karqa. Pablotachus Jerusalenman kachanman karqa chayqa, Pablota tumpasharqanku chay judiosllataj payta juzgankuman karqa, wañuchinkumantaj karqa. Festoqa mana justiciata ruwayta munarqachu, astawanpis runaswan allinpaj qhawachikuyllata maskʼarqa. Aswan ñaupaj wataspipis ajinallataj karqa kamachej Poncio Pilato Jesusta juzgashajtin (Juan 19:12-16). Kay tiempopipis wakin juecesqa runaswan allinpaj qhawachikuyta munaspalla mana leyesman jinachu juzganku. Chayrayku mana tʼukunanchejchu tiyan Diospa llajtan tukuy imata sutʼita rikuchejtinpis wakin juzgadospi juchachawajtinchej.

  • “César juzganawanta munani”
    ‘Diospa Gobiernonmanta allinta sutʼinchana’

    • b Kay versiculopi ‘juzgana tiyana’ nispaqa, uj plataformamanta chayri uj patillamanta parlashan. Chaypitaj uj silla kaj, chayman chukuykuspa juez juzgananpaj. Chay juzgana tiyana ajina patapi kasqanrayku, runasqa yuyaj kanku imatachus chaypi nikusqanqa ajinapuni kanan kasqanta, nitaj cambiananchu kasqanta. Pilato Jesusta juzgananpaj tiyaykukorqa chay juzgana tiyanapis ajina patallapitaj kasharqa.