4. Khuchichakuy juchapi mana urmanapaj kallpachakuna

VIDEO: Juchapi mana urmanapaj Bibliata leena (3:02)

• Videopi rikorqanchej chay hermano, ¿imastataj ruwarqa yuyasqanwan ruwasqanwan warminta mana wasanchananpaj?

Diostapuni kasukuyta munaj cristianospis, allin imaspi yuyanankupaj mayta kallpachakunanku tiyan. Qanpis kikillantataj ruwanaykipaj mayta kallpachakuwaj. Filipenses 4:8 leeriychej, chantá yachakojta tapuriy:

• ¿Ima allin imaspitaj yuyananchej tiyan?

• Bibliata leey, Diosta yupaychaypi ashkha imasta ruway, ¿yanapawasunmanchu mana khuchichakuy imaspi yuyanapaj? ¿Imaraykú chayta ninki?

3. ¿Imastaj yanapawasunman allin imasmantapuni parlanapaj?

Imachus sonqonchejpi kasqan, imatachus yuyasqanchejpis parlasqanchejpi yachakun (Lucas 6:45). Allin imasmantapuni parlanapajqa kay imaspi piensarina: cheqan kajpi, llimphu kajpi, kʼacha imaspi, jatunchanapaj jina imaspi (Filipenses 4:8). Chay allin imaspi piensanapajqa allinta ajllana imawanchus kusirikusqanchejta, pikunawanchus masichakusqanchejta (Proverbios 13:20). Chantá niraj imatapis nishaspa ñaupajta piensarinanchej tiyan imatachus nisqanchej wajkunata yanapananpichus manachus. Biblia nin: “Mana allinta yuyaychakuspa parlarpareyqa espadaj tʼojsisqan jina. Yachayniyoj runaj parlasqantaj sanoyachin”, nispa (Proverbios 12:18).