Wajkunata munakuna

¿Imaraykutaj runas mana wajkunata munakunkuchu?

Runasta sajra ñawiwan qhawanchej chayqa, mana usqhayllatachu paykunata munakusunman. Imajtinchus wajkunata unaypi munakuyta qallarisunman, chaypajtaj mayta kallpachakunanchej tiyan. ¿Imatataj ruwasunman wajkunata munakunapaj?

Biblia niwanchej

Fotos: 1) Uj chinitu cafeta apaj yana runitapaj punkuta kicharipushan. 2) Chay yana runitallataj cafeta qorishan trabajonmanta compañerosninman India suyumanta warmimanpis.

“Munakuywan pʼachawan jina pʼachallikuychej. Imaraykuchus munakoyqa, runasta sumajta ujchan” (COLOSENSES 3:14).

¿Ima niyta munan? Wajkunata yanaparispaqa aswan ujchasqa kanchej. Wajkunata munakusqanchejta rikuchisun chayqa, manaña runasta chejnikusunchu.

¿Imatá ruwasunman?

Fotos: 1) India suyumanta uj señora uj awelitata bolsitanta apaysishan, gradasta wicharinanpajtaj yanapashan. 2) Chay awelitaqa vecinonman galletitasta qorishan, chay vecinonqa pichus yana runitata yanaparerqa, chayllataj.

Mana allinpaj qhawasqanchej runasta, imaynasmantachus munakusqanchejta rikuchinanchejpi piensarina. Mana jatuchaj imastapunichu ruwananchej tiyan. Ichapis kayta ruwasunman:

Paykunapaj kʼacha imasta sapa kuti ruwajtinchejqa, manaña chejnikusunchu.

Paykunawan kʼachas kasqanchejta rikuchisunman punkuta kicharipuspa chayri micropi kashaspa asientonchejta pay tiyakunanpaj qospa.
Paykunawan imallamantapis parlarisunman, mana parlayninchejta allinta parlajtinkupis.
Paykunawan pacienciakuna ruwasqankuta mana entiendespapis.
Problemasninkuta willashawajtinchej allinta uyarina.