• Bibliata estudiallaypuni
    Wiñaypaj kusisqa kausakuy. Bibliata estudiay

    • 5. Wajkuna mana munajtinkupis Bibliata estudiallaypuni

      Ichapis wakin familiaresniyki chayri amigosniyki mana Bibliata estudianaykita munanqankuchu. Jina kajtin, Francescoj kausaynin mayta yanapasunkiman. Chaypaj VIDEOTA qhawariychej, chantá yachakojta tapuriy:

      VIDEO: Diosta sirviyta ajllasqanrayku bendicionesta japʼerqa (5:22)

      “Diosta sirviyta ajllasqanrayku bendicionesta japʼerqa” nisqa videomanta foto. Chay fotopi Francescoqa, amigosninman niña paykunawan masichakunanta niytawan karunchakushan.

      • Francesco Bibliata estudiayta qallarejtin, ¿imatataj familiaresnin, amigosnin nisqanku?

      • ¿Ima bendicionestataj Francesco japʼerqa Diosta sirviyta ajllasqanrayku?

      2 Timoteo 2:24, 25 leeriychej, chantá yachakojta tapuriy:

      • Familiaresniyki, amigosniykipis, ¿imatataj nisunku Bibliata estudiashasqaykimanta?

      • Bibliata estudiasqaykirayku pillapis imata nisojtin chayri imatapis ruwasojtin, ¿imatataj kay versículos nisqanman jina ruwanayki kanman? ¿Imaraykutaj allin kanman chayta ruwanayki?

  • Willanaykipaj kallpachakuy
    Wiñaypaj kusisqa kausakuy. Bibliata estudiay

    • Pillamanpis willarinapajqa ñaupajmantaña piensarina imatachus ninapi, imaynatachus willarinapipis. 2 Timoteo 2:24; 1 Pedro 3:15 leeriychej, chantá yachakojta tapuriy:

      • Kay leerisqanchejman jina, ¿imaynatataj wajkunaman willarina kasqa?

      • Familiaresninchej chayri amigosninchej mana uyariyta munawajtinchej, ¿imatá ruwasunman? Chanta, ¿imatataj mana ruwanachu kanman?

      • Paykunawan parlarishaspa, ¿imaraykutaj respetowanpuni willarinanchej kanman?

      Bibliamanta yachakoj joven uj familiarninman Bibliamanta willarishan.